Dinamalar

படப்பிடிப்பில் இவானாவை திட்டினேன்: பாரதிராஜா

இயக்குனர் பாராதிராஜா தனது படங்களில் நடிக்கும் நடிகைகளை அடிப்பது, திட்டுவது ஒன்றும் புதிதில்லை. அவரிடம் அடி வாங்காத நடிகைகளே இல்லை என்பார்கள். அடி வாங்கியவர்களும் எந்த குற்ற உணர்ச்சியும் இல்லாமல் “மோதிர கையால் குட்டுப்பட்டேன்” என்று பெருமையாக சொல்வார்கள்.

அவர் நடித்து முடித்துள்ள 'கள்வன்' என்ற படத்தில் ஜி.வி.பிரகாசும், இவானாவும் நடித்துள்ளனர். படத்தின் பாடல் வெளியீட்டு விழாவில் பேசிய பாரதிராஜா "இந்த படத்தின் இயக்குநர் ஷங்கர் பிடிவாதக்காரன். நிச்சயம் அந்த பிடிவாதம் ஜெயிக்கும். சினிமாவில் அவனுக்குப் பெரிய இடம் காத்திருக்கிறது. இவானாவை ஒருநாள் திட்டிவிட்டேன். திறமையான நடிகை அவர். ஜிவி நல்ல இசையமைப்பாளர், நடிகர் அதைத்தாண்டி நல்ல மனிதர். வேறொரு டைமன்ஷனில் ஜிவியைப் பார்க்கலாம். இவானா சிறப்பாக நடித்துள்ளார்” என்றார்.

இதே விழாவில் இவானா பேசும்போது "'நாச்சியார்' படத்திற்குப் பிறகு ஜிவி பிரகாஷூடன் சேர்ந்து நடிக்கிறேன். அப்போது அவருடன் சரியாக நிறைய பேச முடியவில்லை. இப்போது நாங்கள் நல்ல நண்பர்கள். பாரதிராஜா சாருடன் நான் நடித்திருப்பது எனக்குப் பெருமை. இதயங்களை 'கள்வன்' நிச்சயம் திருடுவான்". என்றார்.

இந்த படத்தை ஆக்சஸ் பிலிம் பேக்டரி சார்பில் டில்லி பாபு தயாரிக்க, பி.வி.சங்கர் ஒளிப்பதிவு செய்து எழுதி இயக்கியுள்ளார், பாடல்களுக்கு ஜி.வி.பிரகாஷ் இசை அமைக்க, ரேவா பின்னணி இசை அமைத்துள்ளார்.

• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...
• 
  கல்கி 2898 ஏடி ஓராண்டு நிறைவு : அமிதாப்பச்சன் வெளியிட்ட பதிவு
• 
  விஜய் பட இயக்குனருடன் கைகோர்க்கும் அமீர் கான்
• 
  தமன்னா கை கழுவியதால் புதிய காதலில் விழுந்தாரா விஜய் வர்மா..?

• 
  ஹிந்தி, தெலுங்கில் ரீமேக் ஆன மேஜர் சுந்தரராஜன் படம்
• 
  பிளாஷ்பேக் : மர்மயோகியாக மாறிய கரிகாலன்
• 
  பிளாஷ்பேக்: எம் ஜி ஆரின் அரசியல் நிலைபாட்டிற்கு அடித்தளமிட்ட “நம் நாடு”
• 
  சினிமா ஆன பெண் குல தெய்வங்களின் கதை
• 
  தயாரிப்பாளர் மகன் நடிக்கும் ஆக்ஷன் படம்