Dinamalar

கதையின் ‛நாயகன்' - இயக்கத்தில் ‛தளபதி' - அன்றும் இன்றும் என்றும் மணிரத்னம்

தமிழ் சினிமாவை இந்திய சினிமாவும் திரும்பிப் பார்க்க வைத்ததில் முக்கியமான இயக்குனர் மணிரத்னம். இன்று தனது 65வது பிறந்தநாளை கொண்டாடி வருகிறார். ரசிகர்கள் பலரும் அவரை வாழ்த்து மழையில் நனைய விட்டு கொண்டிருக்கிறார்கள்.

சினிமா என்பது காட்சி ஊடகம்தான். ஆனால், அது தமிழ் சினிமாவைப் பொறுத்தவரையில் அதிக வசனங்களுடன் கூடிய ஒரு நாடகமாக்கம் போல்தான் நீண்ட காலமாக இருந்தது. அதைத் தனது படங்களின் மூலம் உடைத்தெறிந்தவர் மணிரத்னம் என்று சொன்னால் அது மிகையாகாது.

ஒளிப்பதிவு, லைட்டிங், பாடல்களின் படமாக்கம் என சினிமாவை காட்சி ஊடகமாக ரசிகர்கள் கண்முன் கொண்டு வந்து நிறுத்தியவர். “நாயகன், அக்னி நட்சத்திரம், அஞ்சலி, தளபதி, ரோஜா, பம்பாய், இருவர், அலைபாயுதே, கன்னத்தில் முத்தமிட்டால், ஓ காதல் கண்மணி” என அவருடைய சில படங்கள் இன்றும் திரும்பத் திரும்பப் பார்க்க வைக்கும் மறக்க முடியாத படங்கள்.

ஒவ்வொரு இயக்குனருக்கும் ஒரு ஸ்டைல் இருக்கும். அதேப்போன்று மணிரத்னத்திற்கு என்று ஒரு ஸ்டைல் உள்ளது. காதல் என்றாலும் சரி, அடிதடி என்றாலும் சரி அதை எப்போதும் தன் பாணியில் இயக்குவது தான், மற்ற இயக்குனர்களிடமிருந்து அவரை தனியாக வேறுப்படுத்தி காட்டுகிறது. 80களில் தொடங்கி இப்போது வரை உள்ள ரசிகர்களையும் மகிழ்விக்கிறார் என்றால் அது அவரின் சிறப்பு என்றே சொல்லலாம்.

இப்போது அவரது இயக்கத்தில் கல்கியின் நாவலான பொன்னியின் செல்வன் படமாகி வருகிறது. கொரோனா காலம் என்பதால் படப்பிடிப்பு தடைப்பட்டுள்ளது. இருந்தாலும், மணிரத்னத்தின் இயக்கத்தில் பொன்னியின் செல்வன் மாறுபட்ட படைப்பாக தமிழ் சினிமாவுக்கு மட்டுமல்ல, இந்திய சினிமாவுக்கும் பெருமை சேர்க்கும் என்பதை அவருடைய ரசிகர்கள் ஆணித்தரமாக நம்புகிறார்கள். அவர்களின் வாழ்த்துக்களுடன் இன்று பிறந்தநாள் கொண்டாடும் மணிரத்னத்திற்கு நமது வாழ்த்துகளைத் தெரிவிப்போம்.

• 
  முதன்முதலாக குழந்தையை அறிமுகப்படுத்திய தீபிகா, ரன்வீர் சிங்
• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்
• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?

• 
  விஜய்யின் 'முரசு' படம் நின்று போக இப்படி ஒரு காரணமா ? 20 வருடம் கழித்து ...
• 
  தமிழ் இயக்குனர்களின் சாதியப் படங்கள் : துருவ் விக்ரம் விளக்கம்
• 
  சிரஞ்சீவி வீட்டில் நயன்தாரா குடும்பத்தினரின் தீபாவளி கொண்டாட்டம்
• 
  எந்த ஒரு கட்டுக்கதையும் என்னை அழித்துவிட முடியாது ; சர்ச்சைக்கு ...
• 
  இப்ப, தமிழ் சினிமாவில் டாப் 5 ஹீரோயின் யார் தெரியுமா?