Dinamalar

கழுகு 2ம் பாகத்தில் ஆந்திர முதல்வரின் ஹெலிகாப்டர் விபத்து பின்னணி

எழுத்தின் அளவு:

கிருஷ்ணா நடித்த கழுகு படத்தின் இரண்டாம் பாகம் தற்போது தயாராகி வருகிறது. முதல் பாகத்தை இயக்கிய சத்யசிவா இயக்குகிறார். முதல் பாகத்தில் நடித்த பிந்து மாதவியே இதிலும் நடிக்கிறார். யுவன் இசை அமைக்கிறார். கோபி கிருஷ்ணா ஒளிப்பதிவு செய்கிறார். இதன் படப்பிடிப்புகள் மூணார் காட்டுப்பகுதியில் நடந்து வருகிறது.

முதல் பாகத்தில் கொடைக்கானல் சூசைட் பாயிண்டிலிருந்து தற்கொலை செய்தவர்களின் உடலை மீட்பவராக நடித்த கிருஷ்ணா இதில் காட்டுக்குள் இருக்கும் சக்தி வாய்ந்த செந்நாய்களை வேட்டையாடுகிறவராக நடிக்கிறார்.

அண்டை மாநில முதலமைச்சர் பயணம் செய்யும் ஹெலிகாப்டர் விபத்துக்குள்ளாகி அடர்ந்த காட்டுப்பகுதிக்குள் விழுந்து விடுகிறது. நொறுங்கி விழுந்த ஹெலிகாப்டரையும், அதில் பயணம் செய்த முதலமைச்சரையும் தேடுவதற்காக ராணுவ வீரர்கள் வரவழைக்கப்படுகிறார்கள்.

அடர்ந்த காட்டுக்குள் உள்ளூர் மக்களின் வழிகாட்டுதலோடு ராணுவ வீரர்கள் சல்லடை போட்டு தேடுகிறார்கள். எங்கு தேடியும் நொறுங்கிய ஹெலிகாப்டரின் பாகங்களோ, அதில் பயணம் செய்த முதலமைச்சர் உள்ளிட்டவர்களின் உடல்களோ கிடைக்கவில்லை.

காட்டின் பெரும்பகுதியை தேடுவதற்கு உதவிய உள்ளூர் கிராம மக்கள் காட்டின் குறிப்பிட்ட பகுதிக்கு வர மறுக்கிறார்கள். அதற்கு காரணம் அந்த காட்டு பகுதியில் வாழும் செந்நாய்கள். மிருகங்களிலேயே போர்க்குணம் மிக்க மிருகமென்றால் அது செந்நாய் தான். இரண்டு செந்நாய்கள் சேர்ந்தால் ஒரு சிங்கத்தையே வீழ்த்தி விடும்.

செந்நாயால் உயிருக்கு ஆபத்து என்பதால் உள்ளூர் மக்கள் வர மறுக்க, ராணுவ வீரர்களுக்கு உதவுவதற்காக செந்நாய்களை வேட்டையாடும் திறன் படைத்த கிருஷ்ணா வரவழைக்கப்படுகிறார். ஹெலிகாப்டரை தனி ஆளாக தான் தேடி அதன் நிலையை கண்டுபிடித்து தருவதாக கூறி செந்நாய் காட்டிற்குள் செல்கிறார் கிருஷ்ணா. 3 செந்நாய்களோடு கிருஷ்ணா மோதும் சண்டை காட்சி சமீபத்தில் மூணார் காட்டு பகுதியில் படமாக்கப்பட்டது. நூற்றுக்கணக்கான ராணுவ வீரர்களின் உடையணிந்த துணை நடிகர்களோடு, நூற்றுக்கணக்கான கிராம மக்கள் ஹெலிகாப்டரை தேடி காட்டிற்குள் நுழையும் ஆரம்ப காட்சி படமாக்கப்பட்டது.

ஆந்திர முதல்வர் ஒய்.எஸ்.ஆர் ஹெலிகாப்படர் விபத்து பின்னணியாக இருந்தாலும். அதை நேரடியாக குறிப்பிடாமல் பொதுவாகவே கதையில் குறிப்பிடுகிறார்களாம்.

• 
  ஆர்ஆர்ஆர் உடன் மோதத் தயாராகும் சல்மான் கான் ?
• 
  ஷ்ரத்தா கபூர் அடுத்த ஆண்டு திருமணம்.?
• 
  தேர்தலில் போட்டியும் இல்லை, பிரச்சாரமும் இல்லை: சல்மான்கான்
• 
  பொங்கி வழியும் பாசமழை!
• 
  பாஜக சார்பில் போட்டியா.? : அக்சய் குமார் விளக்கம்

• 
  பிரிமியர் லீக் போட்டியை காண வந்த ரஜினிகாந்த்
• 
  நயன்தாரா பற்றி ராதாரவி சர்ச்சை பேச்சு
• 
  நாய்க்குட்டிக்கு முத்தம் கொடுக்கும் ரைசா
• 
  என்ஜிகே டப்பிங் பேச தொடங்கினார் சூர்யா
• 
  பிளாஷ்பேக்: சினிமாவில் வாரிசுகளை அனுமதிக்காத சோபன் பாபு