புதிய கதைகளை தேடி செல்லும் சிம்பு! | பிரதீப் ரங்கநாதன், அஸ்வத் கூட்டணியில் உருவாகும் டிராகன் படம்! | மீண்டும் ஹிந்துவாக மாறிய இசையமைப்பாளர் ஜிப்ரான்! | 'மணிசித்திரதாழு' படத்தை 50 முறை பார்த்தேன்- போஸ்டருடன் செல்வராகவன் வெளியிட்ட பதிவு! | துருவ் விக்ரம் நடிக்கும் புதிய படத்தின் அப்டேட்டை வெளியிட்ட விக்ரம்! | கடற்கரையில் பிகினியில் நீராடும் கங்குவா நாயகி திஷா பதானி! | மீண்டும் இணைந்த விஜய் தேவரகொண்டா - தில் ராஜூ | தள்ளிப்போகும் இந்தியன் 2 ... அதே தேதியை குறிவைக்கும் ராயன்? | விஜய் 69வது படத்தை தயாரிக்கும் யஷ் பட தயாரிப்பாளர்? | ‛மஞ்சும்மல் பாய்ஸ்' படம் தந்த பாடம்: நடிகர் சித்தார்த் அருண்பாண்டியன் |
சூர்யா, சமந்தா, நித்யா மேனன் மற்றும் பலர் நடித்துள்ள 24 படம் வரும் 6ம் தேதி உலகம் முழுவதும் உள்ள சுமார் 2300 தியேட்டர்களில் தமிழ், தெலுங்கு ஆகிய மொழிகளில் வெளியாக உள்ளது. சூர்யா நடித்துள்ள ஒரு படம் இதுவரை இந்த அளவிற்கு வெளியாகாத அளவிற்கு படத்தை மிகவும் பிரம்மாண்டமாக வெளியிட திட்டமிட்டுள்ளார்கள். இந்தப் படம் டைம் மிஷின் சம்பந்தப்பட்ட ஒரு சயின்ஸ் பிக்ஷன் படம் என்பதால் படத்திற்கு பெரிய எதிர்பார்ப்பு ஏற்பட்டுள்ளதாக வினியோக வட்டாரங்கள் தெரிவிக்கின்றன.
அமெரிக்காவில் மட்டும் 24 படம் 300க்கும் மேற்பட்ட திரையரங்குகளில் தமிழ், தெலுங்கில் வெளியாக உள்ளது. அமெரிக்காவில் உள்ள பிரிமான்ட் நகரில் உள்ள சினி கிரான்ட் தியேட்டரில் மே 5ம் தேதி வியாழக் கிழமை மாலை 6 மணிக்கு நடைபெறும் பிரிமியர் காட்சியில் நடிகர் சூர்யாவும் அவருடைய மனைவி ஜோதிகாவும் கலந்து கொள்கிறார்கள்.
கோடை விடுமுறை என்பதால் எஸ் 3 படத்திற்கு பிரேக் விட்டுவிட்டு, சூர்யா குடும்பத்தாருடன் அமெரிக்கா சென்றுள்ளார். சூர்யா, ஜோதிகா கலந்து கொள்ளும் 24 பிரிமியர் காட்சிக்கான அழைப்பை படத்தை வெளியிடும் சினி கேலக்சி நிறுவனம் வெளியிட்டுள்ளது. இந்த பிரிமியர் காட்சியில் கலந்து கொள்பவர் சூர்யா, ஜோதிகாவுடன் அமர்ந்து படத்தைப் பார்த்து ரசிக்கலாம்.