Dinamalar

விடாபிடியாக புறம்போக்கிற்கு இசையமைத்த ஸ்ரீகாந்த் தேவா!

பேராண்மை படத்திற்கு பிறகு எஸ்.பி.ஜனநாதன் இயக்கியுள்ள படம் புறம்போக்கு என்கிற பொதுவுடமை. ஆர்யா, விஜய் சேதுபதி, ஷாம், கார்த்திகா ஆகியோர் முக்கிய ரோலில் நடித்துள்ளனர். தூக்கு தண்டனை பற்றியும், இந்த சமூகத்தில் நடக்கும் அவலங்களையும் பற்றியும் இப்படம் பேசப்பட இருக்கிறது. இதில் ஆர்யா, விஜய் சேதுபதி மற்றும் கார்த்திகா ஆகியோர் போராளிகளாக நடித்துள்ளனர்.

பொதுவாக எஸ்.பி.ஜனநாதன் தனது ஒவ்வொரு படங்களிலும் புதியவர் யாரையாவது ஒருவரை அறிமுகம் செய்து வைப்பார். அதன்படி இந்தப்படத்தில் வர்ஷன் என்ற இசையமைப்பாளரை அறிமுகம் செய்து இருக்கிறார். பாடலாசிரியர் அறிவுமதி மூலமாக இந்த வாய்ப்பு அவருக்கு கிடைத்துள்ளது. இதனிடையே இந்தப்படத்தில் தானும் பணியாற்ற வேண்டும் என்று இசையமைப்பாளர் ஸ்ரீகாந்த் தேவா, ஜனநாதனிடம் கேட்டுள்ளார். ஏற்கனவே இவர் ஈ படத்திற்கு இசையமைத்தவர், அந்த நட்பின் பேரில் ஜனநாதனிடம் கேட்டார். ஆனால் ஜனநாதனோ, இந்தப்படத்திற்கு வர்ஷனை இசையமைக்க ஒப்பந்தம் செய்துவிட்டேன் என்று கூறியிருக்கிறார். இருந்தாலும் ஸ்ரீகாந்த் தேவா விடாப்பிடியாக உங்களது படத்தின் டீசர் அல்லது டிரைலருக்காவது எனக்கு இசையமைக்க வாய்ப்பு தாருங்கள் என்று கேட்டுள்ளார்.

எஸ்.பி.ஜனநாதனோ அதெல்லாம் வேண்டாம் என் படத்தின் பின்னணி இசை கோர்ப்பு வேலைகளை நீயே பார்த்து கொள் என்று கூறியிருக்கிறார். தனக்கு இப்படியொரு வாய்ப்பா என்று மகிழ்ச்சியுடன் பின்னணி இசை கோர்ப்பு சேர்த்து கொடுத்திருக்கிறார் ஸ்ரீகாந்த் தேவா. அதன்படி படத்தின் பின்னணி இசையும் சிறப்பாக வந்துள்ளது என்று ஸ்ரீகாந்த் தேவாவை பாராட்டியிருக்கிறார் எஸ்.பி.ஜனநாதன்.

• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'
• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...
• 
  ‛பார்டர் 2'வில் தில்ஜித் தோசன்ஜ் முதல் பார்வை வெளியீடு

• 
  சமந்தாவுக்கு விலை உயர்ந்த திருமண பரிசு கொடுத்த ராஜ் நிடிமொரு
• 
  ‛கோழிப்பண்ணை செல்லத்துரை' நாயகனின் அடுத்த படம் ‛ஹைக்கூ'
• 
  அஜித்தின் கார் ரேஸை ஆவண படமாக்கும் ஏ.எல்.விஜய்
• 
  ரஜினி படத்திற்கு இசையமைக்கும் சாய் அபயன்கர்
• 
  ரவி தேஜா,பிரியா பவானி சங்கர் படத்தின் தலைப்பு இருமுடி?