Dinamalar

ஆபாச படத்தைக் காட்டி 2 கோடி கேட்டு மிரட்டிய நடிகை

கன்னட சின்னத்திரையில் முக்கியமான நடிகை ஆஷா ஜோஸ். கன்னட தொலைக்காட்சிகளில் வெளியான பல்வேறு தொடர்களில் நடித்து பிரபலமானவர். கடந்த 2016ம் ஆண்டு நடந்த 'மிஸ் இந்தியா பிளானட் அழகி' போட்டியிலும் ஆஷா கலந்து கொண்டார்.

தற்போது ஆஷா, ஆபாச படங்களை காட்டி ஒரு பெண்ணிடம் இரண்டு கோடி கேட்டு மிரட்டியதாக தகவல் வெளியாகி பரபரப்பு ஏற்படுத்தி உள்ளது.

பெங்களூரு திலக்நகர் பகுதியை சேர்ந்த ஒரு பெண்ணுக்கும், ஆஷாவுக்கும் நட்பு ஏற்பட்டது. பின்னர் 2 பேரும் தோழிகளாக பழகி வந்தனர். இதற்கிடையே, அந்த பெண் தான் வேலை செய்து வரும் நிறுவனத்தை சேர்ந்தவரை திருமணம் செய்து கொண்டு வாழ தொடங்கியதும் ஆஷாவிடம் இருந்து விலகத் தொடங்கினார்.

இதனால் கோபம் அடைந்த ஆஷா அந்தப் பெண்ணின் செல்போனில் இருந்து, அவருடைய ஆபாச வீடியோக்கள், புகைப்படங்களை தனது செல்போனுக்கு பகிர்ந்து கொண்டதாக தெரிகிறது. மேலும் தனக்கு பணப்பிரச்னை இருப்பதாகவும், உங்களது கணவரிடம் இருந்து பணம் வாங்கி கொடுங்கள் என்றும் அந்தப் பெண்ணிடம் ஆஷா கேட்டதாக கூறப்படுகிறது. இதற்கு அவர் மறுத்து விட்டார்.

இதையடுத்து, தன்னிடம் இருக்கும் ஆபாச வீடியோக்கள், புகைப்படங்களை சமூக வலைதளங்களில் வெளியிடுவதாகவும், அவ்வாறு வெளியிடாமல் இருக்க 2 கோடி கொடுக்க வேண்டும் என்றும் ஆஷா அந்தப் பெண்ணை மிரட்டியுள்ளார்.

இதனால் அதிர்ச்சி அடைந்த பெண் திலக்நகர் போலீஸ் நிலையத்தில் புகார் அளித்தார். அதன்பேரில், ஆஷா மீது வழக்குப்பதிவு செய்து போலீசார் விசாரணை நடத்தி வருகின்றனர்.

• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு
• 
  மீண்டும் ரா ஏஜென்ட் கபீர் ரோலில் ஹிருத்திக் ரோஷன்
• 
  ஹிந்தி நடிகர் சதீஷ் ஷா காலமானார்
• 
  பவர்புல்லான சவுண்ட் ஸ்டோரி : விவேக் ஓபராய்
• 
  பாலிவுட் என்று அழைக்காதீர்கள் : ஜெயா பச்சன் காட்டம்

• 
  நான் ஏன் பிறந்தேன், முத்து, மார்கன் - ஞாயிறு திரைப்படங்கள்
• 
  உழைக்கும் கரங்கள், எஜமான், கண்ணப்பா - ஞாயிறு திரைப்படங்கள்
• 
  தில்லானா மோகனாம்பாள், அவ்வை சண்முகி, ஜெயிலர் - ஞாயிறு திரைப்படங்கள்
• 
  அரச கட்டளை, தளபதி, நிலவுக்கு என்மேல் என்னடி கோபம் - ஞாயிறு திரைப்படங்கள்
• 
  அக்டோபர் 5ம் தேதி முதல் பிக்பாஸ் சீசன்- 9 ஆரம்பம்!