22 ஆண்டுகளுக்கு முன்பு நடிகராக அறிமுகம் : இப்போது இயக்குனராக அறிமுகம் | மீண்டும் இலங்கைத் தமிழர் கதாபாத்திரத்தில் சசிகுமார் : மீண்டும் வெற்றி கிடைக்குமா ? | நயன்தாரா, விக்னேஷ் சிவன் பிரிவா... உண்மையில் நடப்பது என்ன? | ‛ஐ லவ் யூ' சொன்ன சக மாணவன் : முதல் காதலை பகிர்ந்த அனுஷ்கா | ராஜமவுலி படத்தில் மகேஷ் பாபுவுக்கு அப்பாவாகும் மாதவன் | சிரஞ்சீவி மாதிரி ஆகி விடக்கூடாது : விஜய்க்கு ரோஜா கொடுத்த அட்வைஸ் | 25 மடங்கு அதிக சம்பளம் கேட்கும் ரிஷப் ஷெட்டி ? | வினோத் - தனுஷ் கூட்டணி : உறுதி செய்த சாம் சிஎஸ் | ஐஎம்டிபி - டாப் 10 பட்டியலில் 3 தமிழ்ப் படங்கள் | ஹேக் செய்யப்பட்ட உன்னி முகுந்தன் இன்ஸ்டாகிராம் : ரசிகர்களுக்கு எச்சரிக்கை |
மோகன்லால் நடிப்பில் சில மாதங்களுக்கு முன்பு அவரது 360வது படமாக வெளியான ‛தொடரும்' மிகப்பெரிய வெற்றியை பெற்று 200 கோடிக்கு மேல் வசூலித்தது. சமீபத்தில் வெளியான கண்ணப்பா திரைப்படத்திலும் கூட அவர் சிறப்பு தோற்றத்தில் நடித்திருந்தார். இது தவிர மலையாளத்தில் உருவாகி வரும் ஹிருதயபூர்வம், தெலுங்கில் விருஷபா, அதன் பிறகு திரிஷ்யம்-3 ஆகிய படங்கள் அவரது நடிப்பில் வரிசை கட்டி நிற்கின்றன.
இந்த நிலையில் தனது 365வது படம் குறித்த அறிவிப்பை அதிகாரப்பூர்வமாக அறிவித்துள்ளார் மோகன்லால். அறிமுக இயக்குனர் ஆஸ்டின் டான் தாமஸ் இயக்குகிறார். இவர் கடந்த 2020ல் வெளியாகி சூப்பர் ஹிட்டான ‛அஞ்சாம் பாதிரா' படத்தில் முதன்மை துணை இயக்குனராக பணியாற்றிய அனுபவம் கொண்டவர். இந்த படத்தின் மூலம் இயக்குனராக அறிமுகம் ஆகிறார். நீண்ட நாட்கள் கழித்து மோகன்லால் ஒரு அறிமுக இயக்குனரின் படத்தில் நடிப்பது ஆச்சரியமான விஷயமாக பார்க்கப்படுகிறது
மிகப்பெரிய வெற்றிகளை பெற்ற இஷ்க் மற்றும் ஆலப்புழா ஜிம்கானா ஆகிய படங்களுக்கு கதை எழுதிய கதாசிரியர் ரத்தீஷ் ரவி இந்த படத்திற்கு கதை எழுதுகிறார். பிரபலமான ஆசிக் உஸ்மான் நிறுவனம் தயாரிக்க இருக்கிறது.. இந்தப்படம் குறித்து வெளியான போஸ்டரில் கக்கி உடை ஒன்றும் இடம் பெற்றுள்ளது. அதனால் இந்தப்படத்தில் மோகன்லால் போலீஸ் அதிகாரியாக நடிக்கலாம் என்றும் தெரிகிறது.