Dinamalar

22 ஆண்டுகளுக்கு முன்பு நடிகராக அறிமுகம் : இப்போது இயக்குனராக அறிமுகம்

தமிழ் சினிமாவில் புதுமுகங்கள் நடிக்கும் படங்கள் வெற்றி பெறுவது என்பது அபூர்வமாக நடக்கும் ஒரு விஷயம். அந்தக் காலம் முதல் இந்தக் காலம் வரையில் அப்படித்தான் இருக்கிறது. 22 வருடங்களுக்கு முன்பு புதுமுகங்களான பிரசன்னா, கனிகா, கிருஷ்ணா உள்ளிட்டவர்கள் நடிக்க, மணிரத்னம் தயாரிக்க, சுசி கணேசன் இயக்கத்தில் வெளிவந்த 'பைவ் ஸ்டார்' படம் குறிப்பிடத்தக்க வெற்றியைப் பெற்ற படம்.

கனிகா பின்னர் மலையாளத்தில் முன்னணி நடிகைகளில் ஒருவராக உயர்ந்தார். பிரசன்னா சில பல படங்களில் கதாநாயகனாகவும் நடித்து, நடிகை சினேகாவை காதல் திருமணம் செய்து, இப்போது பல்வேறு கதாபாத்திரங்களில் நடித்து வருகிறார். கிருஷ்ணா, அதன்பின் 'திருடா திருடி' படத்தில் தனுஷ் அண்ணனாக நடித்தார். 'அறிந்தும் அறியாமலும், பட்டியல், ஆரம்பம்' உள்ளிட்ட படங்களிலும் நடித்தார். எண்ணற்ற விளம்பரப் படங்களை இயக்க ஆரம்பித்த கிருஷ்ணா இப்போது இயக்குனராக அறிமுகமாகி உள்ளார்.

நாளை மறுநாள் வெளியாக உள்ள 'ஓஹோ எந்தன் பேபி' படத்தை கிருஷ்ணகுமார் ராம்குமார் என்ற பெயரில் இயக்கியுள்ளார். இப்படத்தில் விஷ்ணு விஷால் தம்பி ருத்ரா கதாநாயகனாக அறிமுகமாகிறார். நடிகராக அறிமுகமாகி 22 வருடங்களுக்குப் பிறகு இயக்குனராக அறிமுகமாகிறார் கிருஷ்ணா. சினிமாவில் இப்படியான அபூர்வம் எப்போதாவது நடப்பதுண்டு.

• 
  வித்யூத் ஜம்வால் நிர்வாண போஸ்
• 
  ஹிந்தியில் ஓப்பனிங்கிலேயே சரிவடைந்த பிரபாஸின் 'தி ராஜா சாப்' வசூல்!
• 
  வேதநாங் ரெய்னா, குஷி கபூரின் 2 வருட காதல் முறிந்ததா?
• 
  தமன்னா கீ ரோலில் நடித்துள்ள 'ஓ ரோமியோ' ஹிந்தி படம் பிப்.,13ல் ரிலீஸ்!
• 
  அமிதாப் பச்சனை பார்க்க ஷாப்பிங் மாலில் நடந்த தள்ளுமுள்ளுவில் கண்ணாடி ...

• 
  ஜனநாயகன் தாமதம் ஆனாலும், சரியான நேரத்தில் வெளியாகும் : நடிகர் கார்த்தி
• 
  ஜனநாயகன் சென்சார் பிரச்னை.... : எல்லாம் நன்மைக்கே என்கிறார் விமல்
• 
  பிளாஷ்பேக்: நடிகர் முத்துராமனின் திரைப்பயணத்திற்கு திருப்புமுனையாய் ...
• 
  தெலுங்கில் குத்தாட்டம் போட்ட சான்வி மேக்னா
• 
  'தெறி' ரீரிலீஸ் திடீர் ஒத்திவைப்பு