Dinamalar

பஹத் பாசிலின் 'கராத்தே சந்திரன்' துவங்குவது எப்போது?

பஹத் பாசில் நடிப்பில் கடந்த வருடம் வெளியான 'ஆவேசம்' திரைப்படம் மிகப்பெரிய வெற்றியைப் பெற்று 100 கோடி வசூல் கிளப்பிலும் இணைந்தது. அதைத் தொடர்ந்து 'வேட்டையன்' படத்தில் ரஜினியுடன் இணைந்து முக்கிய கதாபாத்திரத்தில் நடித்தார். பின்னர் 'புஷ்பா 2' திரைப்படம் வெளியானது. அடுத்ததாக வடிவேலு, பஹத் பாசில் இருவரும் இணைந்து நடித்துள்ள 'மாரீசன்' ரிலீஸுக்கு தயாராக இருக்கிறது. அதேபோல மலையாளத்தில் பஹத் பாசில் நடித்துள்ள 'ஓடும் குதிரை சாடும் குதிரை' படப்பிடிப்பு முடிந்து அந்த படமும் ரிலீசுக்கு தயாராகி வருகிறது.

அதே சமயம் கடந்த வருடம் பிப்ரவரி மாதமே அதிகாரப்பூர்வமாக அறிவிக்கப்பட்ட 'கராத்தே சந்திரன்' திரைப்படம் குறித்த தகவல்கள் எதுவும் அதன்பிறகு வெளியாகவில்லை.. ஒருவேளை அந்த படம் கிடப்பில் போடப்பட்டதா என்கிற சந்தேகமும் ரசிகர்களுக்கு எழுந்தது. இந்த நிலையில் வரும் அக்டோபர் மாதம் இந்த படத்தின் படப்பிடிப்பு துவங்கும் என்றும் 60 நாட்கள் படப்பிடிப்பு நடைபெற இருக்கிறது என்றும் ஒரு தகவல் வெளியாகி உள்ளது. பஹத் பாசில் சில வருடங்களுக்கு முன்பு சரிவில் இருந்தபோது அவருக்கு மிகப்பெரிய வெற்றியை கொடுத்த படம் 'மகேஷிண்டே பிரதிகாரம்'. இந்த படத்தில் உதவி இயக்குனராக பணியாற்றிய ராய் என்பவர் தான் இந்த கராத்தே சந்திரன் படத்தை இயக்குகிறார் என்பது குறிப்பிடத்தக்கது.

• இவரை பற்றி
• செய்திகள்
• வந்த படங்கள்

• 
  என் சினிமா வாழ்க்கையே முடிந்தது என நினைத்தேன் ; அக்ஷய் குமார் வெளியிட்ட ...
• 
  'துரந்தர்' 2ம் பாகத்தை ஆவலுடன் எதிர்பார்க்கிறேன்! - பாலிவுட் நடிகர் ...
• 
  சல்மான் கான் படத்திலிருந்து காதலர் தின ஸ்பெஷலாக வெளியிடப்பட்ட பாடல்
• 
  திகார் சிறையில் இருக்கும் நடிகருக்கு சம்பளம் உயர்த்தி தர கோரிக்கை வைத்த ...
• 
  அமீர்கான் மகனுக்கு ஜோடியான தமன்னா

• 
  சயின்ஸ் பிக்சன் படத்திற்காக 10 வருடங்களுக்கு பிறகு மீண்டும் இணைந்த ...
• 
  மோகன்லால் படப்பிடிப்பு தளத்திற்கு விசிட் அடித்த பிரியதர்ஷன்
• 
  சிரஞ்சீவிக்கு முதல் திருமண அழைப்பிதழ் வைத்த அல்லு சிரிஷ்
• 
  பஹத் பாசிலின் தெலுங்கு படத்தில் இணைந்த 'எக்கோ' பட வில்லன்
• 
  நானி, வெங்கி அட்லூரி கூட்டணி படத்தின் கதாநாயகி யார் தெரியுமா?