அல்லு அர்ஜுன் - அட்லி படத்தில் நெகட்டிவ் ரோலில் ராஷ்மிகா மந்தனா? | மீண்டும் காப்பி சர்ச்சையில் சிக்கிய அனிருத்! | வேள்பாரி நாவல்: ஷங்கருக்கு எதிராக வெளியான ட்ரோல்கள்! | விஜய் சேதுபதி படத்தில் வில்லி வேடத்தில் தபு! | ஐபிஎல் போட்டி நேரத்திற்கு இணையாக ‛பாகுபலி தி எபிக்' ரன்னிங் டைம் | மோகன்லால் உடன் நடிக்க விருப்பம்: நடிகை ஷில்பா ஷெட்டி | விஜய் சேதுபதியின் தங்கை கதாபாத்திரம்: நடிகை ரோஷினி நெகிழ்ச்சி | கோட்டா சீனிவாச ராவ் மறைவு: தெலுங்கு சினிமா பிரபலங்கள் இரங்கல் | வலிகள் இல்லாமல் வாழ்க்கை இல்லை! அனுபவம் பேசும் கவிஞர் பா.விஜய் | இயக்குனரிடம் நிபந்தனை போட்ட அமரன் |
நடிகர் பஹத் பாசில் கடந்த சில ஆண்டுகளில் தென்னிந்திய அளவில் தவிர்க்க முடியாத ஒரு நடிகராக மாறிவிட்டார். யாருடைய சாயலும் இல்லாமல் ஒரு வித்தியாசமான நடிப்பை அவர் வழங்கி வருவதால் பல மொழிகளில் உள்ள திரையுலக பிரபலங்கள் கூட அவரது நடிப்புக்கு ரசிகர்களாக மாறி வருகிறார்கள். அந்த வகையில் பாலிவுட் நடிகை ஆலியா பட்டும் பஹத் பாசிலுடன் இணைந்து நடிக்க வேண்டும் என்கிற தனது ஆர்வத்தை வெளிப்படுத்தியுள்ளார்.
சமீபத்தில் நடைபெற்ற கேன்ஸ் திரைப்பட விழாவில் கலந்துகொண்ட அவர் மீடியா ஒன்றில் பேசும்போது, “சமீப வருடங்களாக ஓடிடி தளங்களின் மூலமாக அனைத்து பிராந்திய மொழி படங்களையும் பார்த்து ரசிக்க முடிகிறது. குறிப்பாக மலையாள நடிகரான பஹத் பாசிலை நான் ரொம்பவே பாராட்டுகிறேன். அவர் மற்றவர்களிடமிருந்து ஒரு விதிவிலக்கான அற்புதமான நடிகர் என்று சொல்லலாம். அவருடைய ஆவேசம் திரைப்படம் என்னுடைய பேவரைட் படங்களில் ஒன்று. நிச்சயமாக ஒரு நாள் அவருடன் ஒன்றாக இணைந்து நடிப்பதற்கு ஆர்வமாக இருக்கிறேன்” என்று கூறியுள்ளார்.