Dinamalar

கோட்டா சீனிவாச ராவ் மறைவு: தெலுங்கு சினிமா பிரபலங்கள் இரங்கல்

தெலுங்கில் பல படங்களிலும், தமிழில் 'சாமி, திருப்பாச்சி' உள்ளிட்ட படங்களிலும் நடித்த தெலுங்கு நடிகர் கோட்டா சீனிவாச ராவ். உடல்நலக் குறைவால் ஹைதராபாத்தில் காலமானார். அவரது மறைவுக்கு தெலுங்கு சினிமா பிரபலங்கள் பலரும் இரங்கல் தெரிவித்துள்ளனர்.

சிரஞ்சீவி

பழம்பெரும நடிகர், பன்முக ஆளுமை கொண்ட ஸ்ரீ கோட்டா ஸ்ரீனிவாஸ் ராவ் இனி இல்லை என்ற செய்தி மிகவும் மன வேதனையை அளிக்கிறது.

'பிராணம் கரீது' திரைப்படத்துடன் நானும் அவரும் ஒரே நேரத்தில் திரைப்பயணத்தைத் தொடங்கினோம். அதன்பிறகு, நூற்றுக்கணக்கான திரைப்படங்களில் பலவிதமான வேடங்களில் நடித்து, தனது தனித்துவமான, விசேஷமான நடிப்பு பாணியால் தெலுங்கு ரசிகர்களின் இதயங்களில் நிரந்தரமாக இடம்பிடித்தார் ஸ்ரீ கோட்டா.

காமெடி வில்லனாக இருந்தாலும், தீவிரமான வில்லனாக இருந்தாலும், துணை கதாபாத்திரமாக இருந்தாலும், அவர் ஏற்ற ஒவ்வொரு பாத்திரத்தையும் அவரால் மட்டுமே செய்ய முடியும் என்பது போல மிகச் சிறப்பாக நடித்தார். சமீபத்தில் அவரது குடும்பத்தில் ஏற்பட்ட தனிப்பட்ட துயரம் அவரை மனதளவில் பெரிதும் பாதித்தது.

ஸ்ரீ கோட்டா ஸ்ரீனிவாஸ் ராவ் போன்ற ஒரு நடிகரின் இழப்பு திரைத்துறைக்கும், திரைப்பட ரசிகர்களுக்கும் என்றென்றும் ஈடு செய்ய முடியாத ஒன்றாகும். அவரது ஆன்மா சாந்தி அடைய வேண்டி பிரார்த்தனை செய்து, அவரது குடும்ப உறுப்பினர்களுக்கும், நலம் விரும்பிகளுக்கும், ரசிகர்களுக்கும் எனது ஆழ்ந்த இரங்கலைத் தெரிவித்துக்கொள்கிறேன்.

பவன் கல்யாண்

மூத்த திரைப்பட நடிகரும், முன்னாள் எம்எல்ஏவுமான பத்மஸ்ரீ கோட்டா ஸ்ரீனிவாசராவ் அவர்களின் மறைவு செய்தி மிகவும் வேதனையளிக்கிறது. பல இந்திய மொழிகளில் 700-க்கும் மேற்பட்ட திரைப்படங்களில் பல்வேறு கதாபாத்திரங்களில் நடித்த பன்முக திறமைசாலியான கோட்டா அவர்கள் இனி இல்லை என்பது திரையுலகிற்கு ஈடுசெய்ய முடியாத இழப்பாகும். குறிப்பாக, அண்ணன் சிரஞ்சீவி அவர்களுடன் இணைந்து 'பிராணம் கரீது' திரைப்படத்துடன் ஒரே நேரத்தில் திரைப் பயணத்தைத் தொடங்கினார். அவருடன் இணைந்து அரை டஜனுக்கும் மேற்பட்ட படங்களில் நடித்தது எப்போதும் நினைவில் நிலைத்திருக்கும். அவரது புனித ஆத்மா சாந்தி அடைய வேண்டி பிரார்த்தனை செய்து, அவரது குடும்ப உறுப்பினர்களுக்கும், ரசிகர்களுக்கும் ஆழ்ந்த இரங்கலைத் தெரிவித்துக்கொள்கிறேன்.

ஜுனியர் என்டிஆர்

கோட்டா ஸ்ரீனிவாஸராவ்... அந்தப் பெயர் மட்டும் போதும். ஒப்பற்ற நடிப்புத் திறமை. ஒவ்வொரு கதாபாத்திரத்திலும் தனித்துவமான பாணியில் உயிர் ஊட்டிய மாபெரும் நடிகர்.

எனது சினிமா பயணத்தில் அவருடன் நடித்து, பகிர்ந்து கொண்ட தருணங்கள் என்றென்றும் நினைவில் நிலைத்திருக்கும். அவரது ஆத்மா சாந்தி அடைய வேண்டி பிரார்த்திக்கிறேன். அவரது குடும்ப உறுப்பினர்களுக்கும், நெருங்கியவர்களுக்கும் எனது ஆழ்ந்த இரங்கலை தெரிவித்துக் கொள்கிறேன்.

இயக்குனர் ராஜமவுலி

கோட்டா ஸ்ரீனிவாஸராவ் காரு அவர்களின் மறைவு குறித்து மிகுந்த வருத்தம் அடைகிறேன். தனது கலைத் திறனில் மாஸ்டர், ஒவ்வொரு கதாபாத்திரத்திற்கும் உயிர் கொடுத்த புராண நடிகர். திரையில் அவரது இருப்பு உண்மையிலேயே மாற்ற முடியாதது. அவரது குடும்பத்தினருக்கு எனது ஆழ்ந்த அனுதாபங்கள். ஓம் சாந்தி.

இயக்குனர் ராம்கோபால் வர்மா

கோட்டா ஸ்ரீநிவாஸ் ராவ், சினிமா உலகம் கண்ட மிகச்சிறந்த நடிகர்களில் ஒருவர் என்பதில் சந்தேகமில்லை. எனது படங்களான சிவா, காயம், மணி, சர்கார் மற்றும் ரக்தசரித்ரா ஆகியவற்றில் அவரது பங்களிப்பு அளவிட முடியாதது. ஐயா கோட்டாஸ்ரீநிவாஸராவ் அவர்களே, நீங்கள் மறைந்திருக்கலாம், ஆனால் உங்கள் கதாபாத்திரங்கள் என்றென்றும் வாழும்.

மேலும், பல தயாரிப்பாளர்கள், இயக்குனர்கள், நடிகர்கள் அவரது மறைவுக்கு இரங்கல் தெரிவித்து வருகிறார்கள்.

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  மோகன்லால் உடன் நடிக்க விருப்பம்: நடிகை ஷில்பா ஷெட்டி
• 
  விஜய் சேதுபதியின் தங்கை கதாபாத்திரம்: நடிகை ரோஷினி நெகிழ்ச்சி
• 
  வலிகள் இல்லாமல் வாழ்க்கை இல்லை! அனுபவம் பேசும் கவிஞர் பா.விஜய்
• 
  பிளாஷ்பேக்: இளையராஜா, கண்ணதாசன், எஸ் பி பி மூவரையும் முதன் முதலில் இணைத்த ...
• 
  20 வருடமாக நானும் ஹனிரோஸும் இப்போதும் பேச்சுலர்ஸ் தான் : உருகும் மலையாள ...