Dinamalar

இன்ஸ்டாகிராம் மட்டுமல்ல போன் நம்பரையும் ஹேக் செய்து விட்டார்கள் ; நடிகை லட்சுமி மஞ்சு விரக்தி

தெலுங்கு திரையுலகில் குணச்சித்திர நடிகையாக நடித்து வருபவர் நடிகை லட்சுமி மஞ்சு. பிரபல சீனியர் நடிகர் மோகன்பாபுவின் மகள் தான் இவர். தமிழ் மற்றும் மலையாளம் உள்ளிட்ட மொழிகளிலும் நடித்துள்ள இவர் சோசியல் மீடியாவில் எப்போதுமே ஆக்டிவாக ரசிகர்களுடன் கலந்து உரையாடுபவர். தன்னைப் பற்றிய பதிவுகளை அடிக்கடி வெளியிடுபவர். ஆனால் சமீபகாலமாக தனது இன்ஸ்டாகிராம் கணக்கு ஹேக் செய்யப்பட்டுள்ளது என்று கூறியுள்ளார் லட்சுமி மஞ்சு.

“ஆனால் தன்னுடைய இன்ஸ்டாகிராம் பக்கத்தை என்னாலும் கூட கையாள முடிகிறது. அதே சமயம் சில மர்ம நபர்கள் அவர்களின் தேவைக்கேற்றபடி என் கணக்கை பயன்படுத்திக் கொண்டு வருகின்றனர். இதை என்னால் தடுக்க முடியவில்லை. அதனால் எனது இன்ஸ்டாகிராம் பக்கத்தில் வெளியாகும் பதிவுகளை பெரிய முக்கியத்துவம் கொடுத்து யாரும் எடுத்துக் கொள்ள வேண்டாம். அதில் பெரும்பாலும் நான் பணம் கேட்பதாக தான் அதிகம் செய்திகள் வருகின்றன. அப்படி யாரிடமாவது எனக்கு பணம் தேவை என்றால் நான் நேரடியாகவே கேட்டு வாங்கிக் கொள்கிறேன். இப்படி சோசியல் மீடியாவில் கேட்க மாட்டேன்” என்று தனது ட்விட்டர் கணக்கு மூலமாக இந்த தகவலை வெளிப்படுத்தியுள்ளார் லட்சுமி மஞ்சு.

அது மட்டுமல்ல தனது போன் நம்பரை கூட அவர்கள் ஹேக் செய்துள்ளார்கள் என்று கூறியுள்ள லட்சுமி மஞ்சு, சமீபத்தில் ஒரு நைஜீரியன் நாட்டு நம்பரில் இருந்து தனக்கு ஒரு மெசேஜ் வந்ததாகவும் அதில் என்னுடைய மொபைல் போனும் ஹேக் செய்யப்பட்டுள்ளதாக குறிப்பிடப்பட்டிருந்ததாகவும் அதனால் எனது மொபைல் போனிலிருந்து ஏதாவது வித்தியாசமான மெசேஜ்கள் வந்தால் கூட அதையும் புரிந்து கொண்டு தவிர்க்கவும் என்று விரக்தியுடன் கேட்டுக் கொண்டுள்ளார்.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  கேரள அரசு விருதை கட்டி அணைத்தபடி தூங்கிய பிரேமலு நடிகர் : வைரலாகும் ...
• 
  நள்ளிரவில் போன் செய்து கஞ்சா கேட்டார் : மஞ்சும்மேல் பாய்ஸ் நடிகர் மீது ...
• 
  மோகன்லால் மகனின் காதல் கல்யாணியுடன் அல்ல ; பிரபல தயாரிப்பாளர் வெளியிட்ட ...
• 
  நள்ளிரவில் கேரள போலீசாரிடம் ஹோட்டலில் இருந்து குதித்து தப்பிய வில்லன் ...
• 
  போதைப்பொருள் பயன்படுத்தி அத்துமீறல் : பீஸ்ட், குட் பேட் அக்லி நடிகர் மீது ...