Dinamalar

விருது மாற்றி கிடைத்ததில் கொஞ்சம் வருத்தம் தான் : மஞ்சும்மல் பாய்ஸ் இசையமைப்பாளர்

சமீபத்தில் 2024ம் வருடத்திற்கான கேரள மாநில அரசு விருதுகள் அறிவிக்கப்பட்டன. இதில் மஞ்சும்மல் பாய்ஸ் திரைப்படம் 9 விருதுகளை பெற்ற நிலையில் அதற்கு அடுத்ததாக போகன்வில்லா திரைப்படம் ஏழு விருதுகளை பெற்றுள்ளது. அமல் நீரத் இயக்கிய இந்த படத்தில் குஞ்சாக்கோ போபன் கதாநாயகனாக நடித்திருந்தார். இந்த படத்திற்கு இசையமைத்திருந்த இசையமைப்பாளர் சுசின் ஷியாமுக்கு சிறந்த இசையமைப்பாளருக்கான விருது அறிவிக்கப்பட்டுள்ளது. ஆச்சரியமாக இவர் தான் மஞ்சும்மேல் பாய்ஸ் படத்திற்கும் இசையமைத்தவர்.

தனக்கு சிறந்த இசையமைப்பாளருக்கான விருது கிடைத்துள்ளது குறித்து தனது மகிழ்ச்சியை வெளிப்படுத்தியுள்ள சுசின் ஷியாம், எனக்கு சிறந்த இசையமைப்பாளராக மஞ்சும்மேல் பாய்ஸ் படத்திற்கு தான் விருது கிடைக்கும் என்று நான் ரொம்பவே எதிர்பார்த்தேன். அந்த படத்திற்காக எனக்கு இந்த விருந்து கிடைத்திருந்தால் இன்னும் அதிகம் சந்தோஷம் அடைந்திருப்பேன். அப்படி அந்தப் படத்திற்காக விருது கிடைக்காததில் கொஞ்சம் வருத்தமே என்று கூறியுள்ளார்.

ஆனால் ரசிகர்கள் பலரும், “கவலைப்படாதீர்கள்.. மஞ்சும்மல் பாய்ஸ் படத்தின் வெற்றிக்கு இளையராஜாவின் இசை தான் உறுதுணையாக இருந்தது. உங்களுக்கென்று தனித்துவமான இசைக்கு போகன்வில்லா படத்திற்காக விருது கிடைத்ததற்கு பெருமைப்பட்டுக் கொள்ளுங்கள்” என்று கிண்டல் கலந்த விமர்சனங்களை வெளிப்படுத்தி வருகின்றனர்.

• 
  ‛கிருஷ்ணாவதாரம்' படத்திற்கு உ.பி.,யில் வரிவிலக்கு அளித்த முதல்வர் யோகி ...
• 
  'கடார் 3' உறுதி ; அமிஷா பட்டேல் வெளியிட்ட தகவல்
• 
  மூன்றாம் பாலினத்தவர்கள் கடவுளின் குழந்தைகள்: ஆசிம் கெதர்பால்
• 
  வாரிசு நட்சத்திரங்களால் பல வாய்ப்புகளை இழந்தேன் ; கிர்த்தி சனோன் வேதனை
• 
  ராகினி எம்எம்எஸ் 3 திரில்லர் படத்தில் இணைந்த தமன்னா

• 
  ஸ்பெயின் கால்பந்தாட்ட மைதானத்தில் வெளியிடப்பட்ட டொவினோ தாமஸ், நஸ்ரியா ...
• 
  விஜய் தேவரகொண்டாவின் பிறந்த நாளில் வெளியான 'ரவுடி ஜனார்த்தனா' போஸ்டர்!
• 
  'திரிஷ்யம்-3' வெற்றி பெற்றால் 4, 5ம் பாகமும் உருவாகும்!- மோகன்லால் ...
• 
  'திரிஷ்யம் 2'வில் இடம்பெறாத கலாபவன் சாஜன் 'திரிஷ்யம் 3'ல் ரீ என்ட்ரி
• 
  பிரேமலு காமெடி நடிகருடன் மமிதா பைஜு ஜோடியாக நடிக்கும் புதிய படம் ...