Dinamalar

டைட்டில் லீக்கான விவகாரம் ; நானி பட இயக்குனர் கடுமையான எதிர்வினை

தெலுங்கில் இளம் நடிகர் நானி நடிப்பில் பிரபல இயக்குனர் ஸ்ரீகாந்த் ஒடேலா இயக்கத்தில் உருவாகி வரும் படத்திற்கு சமீபத்தில் 'தி பாரடைஸ்' என டைட்டில் அறிவிக்கப்பட்டது. அதே சமயம் இப்படி டைட்டில் அதிகாரப்பூர்வமாக அறிவிக்கப்படுவதற்கு ஒரு மணி நேரத்துக்கு முன்னதாக எதிர்பாராத விதமாக சோசியல் மீடியாவில் அது லீக் ஆனது. இதற்கு இயக்குனர் ஸ்ரீகாந்த் ஒடேலாவின் உதவி இயக்குனர்களில் யாரோ தான் இப்படி செய்திருக்க வேண்டும் என்கிற விமர்சனமும் எழுந்தது. இந்த நிலையில் அது பற்றி விளக்கம் அளிக்கும் விதமாக மவுனம் கலைத்துள்ள ஸ்ரீகாந்த் ஒடேலா கடுமையான பதிலடி ஒன்றையும் கொடுத்துள்ளார்.

இது குறித்து அவர் வெளியிட்டுள்ள பதிவில், “இது போன்று படங்களின் டைட்டில் லீக் ஆகும்போது படத்தின் உதவி இயக்குனர்களையோ அல்லது கதாசிரியர்களையோ குற்றம் சாட்டுவதை விட்டுவிட்டால் சிறப்பாக இருக்கும். இது என் படத்திற்காக மட்டும் சொல்லவில்லை. எல்லா படத்திற்கும் தான். இவர்கள் அனைவருமே எதிர்கால படைப்பாளிகள்.. அவர்களது சுயநலமில்லாத பங்களிப்பு சினிமாவில் மிகவும் மதிக்கப்பட வேண்டிய ஒன்று.

அதனால் இப்படி கடின உழைப்பை கொடுக்கும் நபர்களை குற்றம் சாட்டுவதை விட்டுவிட்டு புதிதாக வேறு ஏதாவது யோசியுங்கள்.. இந்த டைட்டிலை லீக் செய்தது யார் (ஒரு கெட்ட வார்த்தையை பயன்படுத்தி உள்ளார்) என்று எனக்குத் தெரியும். ஆனால் அவர்கள் என்னுடைய குழுவில் இல்லை” என்று கூறியுள்ளார்.

• செய்திகள்
• ஆல்பம்
• வந்த படங்கள்

• 
  36 ஆண்டுகளை நிறைவு செய்த 'தேசாப்' : மகிழ்ச்சியில் மாதுரி தீட்சித்
• 
  நவ., 22ல் ரிலீஸாகும் மிருணாள் குல்கர்னியின் ‛தாய் ஆகர்'
• 
  50 லட்சம் கேட்டு ஷாருக்கானுக்கு கொலை மிரட்டல்
• 
  பாலிவுட் வாரிசுகள் நடிக்கும் 'ஆசாத்'
• 
  ஏழை மக்களை கவுரவித்த மீனாட்சி சேஷாத்ரி, ராகுல் ராய், தீபக் திஜோரி

• 
  பிளாஷ்பேக் : அமிதாப் பச்சனை மிஞ்சிய சிவாஜி
• 
  அனைத்து தடைகளும் நீங்கி வெளியானது கங்குவா : ரசிகர்கள் உற்சாகம்
• 
  புஷ்பா 2 டப்பிங் ஜரூர் : ஆனால் ராஷ்மிகா முகத்தில் சோகம்
• 
  குபேரா படத்தின் முன்னோட்ட வீடியோவை வெளியிடும் மகேஷ் பாபு
• 
  யஷ் நடிக்கும் 'டாக்சிக்' படக்குழு மீது வழக்குப்பதிவு