Dinamalar

நடிகர் டி.பி மாதவன் மறைவு ; 30 வருடமாக பிரிந்து இருந்த மகன் நேரில் இறுதி அஞ்சலி

88 வயதான பிரபல மூத்த மலையாள நடிகர் டிபி மாதவன் நேற்று முன்தினம் வயது மூப்பு காரணமாக காலமானார். தனது 50 வருட சினிமா வாழ்க்கையில் கிட்டத்தட்ட 600 படங்களுக்கு மேல் நடித்துள்ள அவர், மலையாள நடிகர் சங்கம் ஆரம்பிக்கப்பட்ட போது அதன் முதல் பொதுச் செயலாளராகவும் பொறுப்பு வகித்தவர். கடந்த சில வருடங்களாகவே படங்களில் நடிப்பதை குறைத்துக் கொண்டு கேரளாவில் பத்தினாபுரத்தில் உள்ள ஆதரவற்றோர் புகலிடமான காந்தி பவனில் தன் வாழ்க்கையை கழித்து வந்தார் டி.பி மாதவன். இவருக்கு ஒரு மகன், ஒரு மகள் இருக்கின்றனர்.

பாலிவுட் இயக்குனரான ராஜா கிருஷ்ண மேனன் இவரது மகன் தான். ஆனால் குடும்ப பிரச்னை காரணமாக கிட்டத்தட்ட 30 வருடங்களுக்கு முன்பே அதாவது மகன் இரண்டரை வயதில் இருக்கும்போதே குடும்பத்தினர் இவரை விட்டு பிரிந்து சென்று விட்டனர்.

இப்போது வரை தனியாக வசித்து வந்த டிபி மாதவனுக்கு எப்படியேனும் தன் மகனை ஒரு முறை பார்த்து விட வேண்டும் என்பது கடைசி ஆசையாக இருந்தது. ஆனால் அது நிறைவேறாமலேயே அவர் இறந்து விட்டார். இந்த நிலையில் இத்தனை வருடங்களாக தந்தையை பிரிந்து இருந்த அவரது மகன் ராஜா கிருஷ்ண மேனனும் அவரது தங்கை தேவிகாவும் நேற்று திருவனந்தபுரத்தில் நடைபெற்ற டி.பி மாதவனின் இறுதிச்சடங்கில் நேரில் கலந்துகொண்டு தங்களது தந்தைக்கு இறுதி அஞ்சலி செலுத்தினர்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  மலையாள வாரிசு வில்லன் நடிகர் மேகநாதன் மறைவு
• 
  ராம் பொதினேனிக்கு ஜோடியான பாக்யஸ்ரீ போர்ஸ்
• 
  மம்முட்டி, மோகன்லால் இணையும் படத்தின் படப்பிடிப்பு தொடங்கியது
• 
  'பதேர் பாஞ்சாலி' நடிகை மரணம்
• 
  நடிகர் சித்திக்கிற்கு முன்ஜாமின் வழங்கிய உச்சநீதிமன்றம் ; புகாரளித்த ...