Dinamalar

இது இரண்டாவது சுதந்திர போர் : ரசிகர்களின் கவனம் பெறும் ‛இந்தியன் 2' டிரைலர்

ஷங்கர் இயக்கத்தில் கமல் நடிப்பில் உருவாகி உள்ள படம் ‛இந்தியன் 2'. சித்தார்த், எஸ்.ஜே.சூர்யா, காஜல் அகர்வால், ரகுல் ப்ரீத் சிங், பிரியா பவானி சங்கர் உள்ளிட்ட பலர் நடித்துள்ளனர். அனிருத் இசையமைத்துள்ளார். ஊழல் பின்னணியை வைத்து இந்தப்படம் தயாராகி உள்ளது. அடுத்தமாதம் 12ம் தேதி படம் வெளியாக உள்ள நிலையில் இதன் டிரைலரை வெளியிட்டுள்ளனர். 2:38 நிமிடம் ஓடும் இந்த டிரைலர் பற்றிய சிறு முன்னோட்டம்...

ஊராடா இது... என டிரைலர் துவங்குகிறது. வேலையின்மை, படிப்புக்கு ஏற்ற சம்பளம் இல்லாதது, அடிப்படை வசதிகள் இல்லாதது, ஊழல் என மக்களின் பிரச்னைகள் அடுக்கிக் கொண்டே டிரைலர் போகிறது. இதைக்கண்டு பொங்கும் சித்தார்த் இதை அடக்க இந்தியன் தாத்தாவான சேனாதிபதி கமல் வருவார் என கூறுவதும், அதன்பின் கமல் எடுக்கும் நேதாஜி பாணியிலான ஆக்ஷன்கள் தான் படம் என டிரைலரை பார்க்கும்போதே புரிகிறது.

இந்தியன் முதல் பாகத்தில் தமிழக அளவில் இருந்த சேனாதிபதியின் ஊழல் களையெடுப்பு இரண்டாம் பாகத்தில் நாடு தழுவிய அளவில் இருக்கும் என தெரிகிறது.

படத்தின் பிரதான வில்லனாக எஸ்.ஜே.சூர்யா இருப்பார் என தெரிகிறது. மறைந்த கலைஞர்கள் விவேக், மனோபாலா, நெடுமுடி வேணு உள்ளிட்டவர்களின் காட்சிகளும் டிரைலரில் வருகிறது. இவர்கள் தவிர போலீஸ் அதிகாரியாக பாபி சிம்ஹா, நாயகிகள் பிரியா பவானி சங்கர், ரகுல் ப்ரீத் சிங், நடிகர் சமுத்திரகனி, டெல்லி கணேஷ் உள்ளிட்டோரும் வருகிறார்கள்.

‛‛இது இரண்டாவது சுதந்திர போர், காந்திய வழியில் நீங்க... நேதாஜி வழியில் நான். ஓடவும் முடியாது... ஒளியவும் முடியாது... டாம் அண்ட் ஜெர்ரி ஆட்டம் ஆரம்பிச்சிடுச்சு...'' என கமல் பேசும் வசனங்களும், வயதான தோற்றத்தில் கமலின் விதவிதமான லுக் மற்றும் அவரின் வர்மக்கலை அட்டாக் போன்றவை ரசிகர்களை கவர்ந்துள்ளது. மேலும் ஷங்கரின் பிரமாண்ட படமாக்கமும், அனிருத்தின் பின்னணி இசையும் நன்றாக உள்ளது.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  ''அப்பா ஒரு குழந்தை; ஆதாரமற்ற வதந்திகளை பரப்பாதீர்கள்'' - ஏ.ஆர்.ரஹ்மான் ...
• 
  அழகுக்காக ஸ்ரீதேவி பட்ட சிரமம் : போனி கபூர் தகவல்
• 
  'வேவ்ஸ்' ஓ.டி.டி., தளம் : பிரசார் பாரதி துவக்கம்
• 
  நவ.26ம் தேதியில் விடுதலை-2 படத்தின் இசை வெளியீட்டு விழா
• 
  தெலுங்கில் அறிமுகமாகும் மமிதா பைஜூ