பெண்களை இழிவாக பேசும் இயக்குனர்: திவ்யபாரதி புகார்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

20 நவ, 2025 - 02:54 IST

எழுத்தின் அளவு:

'பேச்சுலர்' படத்தின் மூலம் அறிமுகமானவர் திவ்யபாரதி. அதன்பிறகு 'மகாராஜா, கிங்ஸ்டன்' உள்ளிட்ட படங்களில் நடித்தார். 'கோட்' என்ற படத்தின் மூலம் தெலுங்கில் அறிமுகமாகிறார். இந்த படத்தை நரேஷ் குப்பிலி இயக்குகிறார், சுதீர் நாயகனாக நடிக்கிறார்.

இந்த நிலையில் இயக்குனர் நரேஷ் குப்பிலி தன்னை தகாத வார்த்தைகளில் திட்டியதாக திவ்யபாரதி புகார் கூறியுள்ளார். இதுகுறித்து அவர் வெளியிட்டுள்ள பதிவில், "இயக்குனர் நரேஷ் என்னை 'சிலகா' என்று அழைக்கிறார். சிலகா என்றால் பறவை என்று பொருள் இருந்தாலும், தெலுங்கில் பெண்களை மரியாதைக்குறைவாக அழைக்க பயன்படுத்தப்படும் வார்த்தை. இது எனக்கு நகைச்சுவையாக தெரியவில்லை. பெண்களை 'சிலகா' அல்லது வேறெந்த இழிவான வார்த்தைகளாலும் அழைப்பதை நகைச்சுவையாக எடுத்துக்கொள்ள முடியாது. அது பெண் வெறுப்பு சிந்தனையின் பிரதிபலிப்பு. இது ஒருமுறை மட்டுமே நடந்த சம்பவம் அல்ல.

அந்த இயக்குனர் படப்பிடிப்பு தளத்திலும் இதேபோன்று பெண்களை அவமதிக்கும் வகையில் நடந்துகொண்டார். இயக்குனரின் இச்செயலுக்கு இப்படத்தின் ஹீரோவும் அமைதியாக இருப்பதை பார்த்து, இதுபோன்ற கலாசாரம் நிலைத்திருக்க உதவுகிறது என்பது ஏமாற்றமாக இருக்கிறது.

பெண்கள் கேலிக்கு ஆளாகாத சூழல் கொண்ட இடங்களில் பணிபுரிய, அந்த இடங்களை நான் தேர்வு செய்கிறேன். ஒவ்வொரு குரலும் முக்கியம். மரியாதையை பேரம் பேச முடியாத இடங்களை நான் தேர்வு செய்கிறேன். இது வெறும் தேர்வு மட்டுமல்ல. ஒரு கலைஞராகவும், ஒரு பெண்ணாகவும் இதுதான் எனது உறுதியான நிலை" என்று தெரிவித்துள்ளார்.

Divya Bharathi

Naresh Kuppili

Chilaka

திவ்ய பாரதி

நரேஷ் குப்பிலி

சிலகா

கருத்துகள் (0) கருத்தைப் பதிவு செய்ய

'ஆரோமலே' படத்திற்கு எதிராக வழக்கு

என் பெயரில் வரும் அழைப்புகள், ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய