Dinamalar

ரசிகர்கள் அனைவரின் கண்களும் 'இந்தியன் 2' டிரைலரை நோக்கி…

ஷங்கர் இயக்கத்தில், அனிருத் இசையமைப்பில், கமல்ஹாசன், சித்தார்த், காஜல் அகர்வால், ரகுல் ப்ரீத் சிங் மற்றும் பலர் நடிப்பில் உருவாகியுள்ள படம் 'இந்தியன் 2'. இப்படம் அடுத்த மாதம் ஜூலை 12ம் தேதி உலகம் முழுவதும் வெளியாக உள்ளது.

கடந்த நான்கைந்து வருடங்களாகத் தயாரிப்பில் இருந்த படம் பல்வேறு சிக்கல்களைக் கடந்து வெளியீடு வரை வந்துவிட்டது. நாளை இப்படத்தின் டிரைலர் வெளியாக உள்ளது. அதற்கான விழா நாளை காலை சென்னையில் உள்ள பிரபல தியேட்டர் ஒன்றில் நடைபெற இருக்கிறது.

ஷங்கர் - கமல்ஹாசன் கூட்டணி முதலில் இணைந்த 'இந்தியன்' படம் 1996ம் ஆண்டு வெளிவந்தது. இத்தனை வருடங்களுக்குப் பிறகு அக்கூட்டணி மீண்டும் இரண்டாம் பாகத்தில் இணைகிறது. நிறைய நட்சத்திர நடிகர்கள் இப்படத்தில் இருக்கிறார்கள்.

அப்போதே பிரம்மாண்ட இயக்கத்திற்குப் பெயர் போன ஷங்கர், தற்போது இன்னும் பிரம்மாண்டமாக எடுத்திருப்பார் என ரசிகர்கள் அனைவரும் எதிர்பார்க்கிறார்கள்.

டிரைலர்கள் என்றாலே விஜய், அஜித் படங்கள்தான் யு டியூபில் போட்டி போட்டு சாதனை படைக்கும். அதை நாளை வெளியாக உள்ள 'இந்தியன் 2' முறியடிக்கும் என்ற எதிர்பார்ப்பு ரசிகர்களிடம் உள்ளது.

• 
  உயிரோடு இருப்பேனா என அச்சம் ஏற்பட்டது ; லாஸ் ஏஞ்சல்ஸ் தீ விபத்தில் ...
• 
  ஹிந்தியில் எதிர்பார்த்ததை விட அதிகமாக வசூலித்த ‛கேம் சேஞ்ஜர்'
• 
  பாலிவுட்டின் மகா ஆரோக்கிய கேம்ப் அறிமுக விழாவில் விந்து தாரா சிங், பூனம் ...
• 
  பூச்சிக் கொல்லி மருந்து நிறுவனங்களின் மறுபக்கத்தை காட்டும் காஜல் ...
• 
  'எமர்ஜென்சி' படம் பார்க்க பிரியங்காவுக்கு கங்கனா அழைப்பு

• 
  ரஜினி நடிக்கும் 'ஜெயிலர் 2': அதிகாரப்பூர்வ அறிவிப்பு
• 
  காதலர்களுக்கு அனுபமா பரமேஸ்வரன் தரும் எச்சரிக்கை டிப்ஸ்
• 
  நடிகையை உருவ கேலி செய்த இயக்குனர் : பகிரங்கமாக மன்னிப்பு கேட்டார்
• 
  சரத்குமார் நடிக்கும் ஏழாம் இரவில்
• 
  தாராவியில் பொங்கல் கொண்டாடிய ஓவியா