ராணுவ படத்துக்காக சரத்குமாருடன் கைகோர்த்த மோகன்லாலின் ஆஸ்தான இயக்குனர்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

17 ஜூன், 2024 - 01:46 IST

எழுத்தின் அளவு:

மலையாள திரையுலகில் ராணுவ சம்பந்தப்பட்ட படங்களாக இயக்கி புகழ்பெற்றவர் இயக்குனர் மேஜர் ரவி. ராணுவ அதிகாரியாக பணிபுரிந்து ஓய்வு பெற்ற இவர் தொடர்ந்து ராணுவ கதை அம்சம் கொண்ட படங்களாக இயக்கி வந்தார். அதில் கீர்த்தி சக்ரா, குருசேத்ரா, காந்தஹார், கர்ம யோதா என பெரும்பாலும் மோகன்லாலை வைத்தே அதிக படங்களை இயக்கியுள்ளார். பிரித்விராஜை வைத்து இதே ராணுவ பின்னணியில் பிக்கெட் 43 என்கிற ஹிட் படத்தை கொடுத்த அவர் அதன் பிறகு மோகன்லால் இரண்டு வேடங்களில் நடித்த 1971 : பியாண்ட் பார்டர்ஸ் என்கிற படத்தை இயக்கினார். இந்த படம் மிகப்பெரிய தோல்வியை தழுவியது. அதன் பிறகு டைரக்ஷனுக்கு இடைவெளி விட்ட அவர் ஒரு நடிகராக பல படங்களில் நடித்து வருகிறார்.

இந்த நிலையில் 7 வருடங்களுக்குப் பிறகு மீண்டும் டைரக்ஷனுக்கு திரும்பியுள்ள மேஜர் ரவி ஆபரேஷன் ராஹத் என மீண்டும் ஒரு ராணுவ பின்னணி கொண்ட உண்மை சம்பவத்தை மையமாக கொண்ட கதையை இயக்க உள்ளார். இந்த படத்தில் கதாநாயகனாக நடிகர் சரத்குமார் நடிக்கிறார். இது குறித்த அதிகாரப்பூர்வ அறிவிப்பு தற்போது போஸ்டருடன் வெளியாகி உள்ளது.

ஏற்கனவே மலையாளத்தில் சில படங்களில் நடித்துள்ள சரத்குமார் கிட்டத்தட்ட 10 வருட இடைவெளிக்கு பிறகு கடந்த வருடம் மம்முட்டி நடிப்பில் வெளியான கிறிஸ்டோபர் மற்றும் திலீப் நடித்த பாந்த்ரா ஆகிய படங்களில் முக்கிய கதாபாத்திரத்தில் நடித்திருந்தார். இந்த நிலையில் தற்போது மலையாளத்தில் தயாராகும் ஆபரேஷன் ராஹத் படத்தில் கதாநாயகனாகவே நடிக்கிறார் என்பது குறிப்பிடத்தக்கது.

Sarathkumar

Majorravi

கருத்துகள் (0) கருத்தைப் பதிவு செய்ய

நடிகரின் மனைவியிடம் 10 கோடி நஷ்ட ஈடு ...

ஜூலையில் புதிய தொழில்நுட்பத்தில் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய