Dinamalar

சரத்பாபுவைத் திருமணம் செய்து கொள்ள இருந்தேன் - நடிகை ஜெயலலிதா

செய்தித் தலைப்பில் உள்ள நடிகை ஜெயலலிதா என்பதைப் பார்த்து படிப்பவர்கள் குழப்பமடைய வேண்டாம். இவர் தெலுங்கு நடிகை ஜெயலலிதா. கமல்ஹாசன் நடித்து தெலுங்கில் வந்த 'இந்துருடு சந்துருடு' படத்தில் அவர் ஜோடியாக நடித்தவர். அப்படம் தமிழில் 'இந்திரன் சந்திரன்' என்ற பெயரில் டப்பிங் ஆகியும் வெளியானது. மலையாளம், தமிழ், தெலுங்கு உள்ளிட்ட மொழிகளில் நடித்தவர் ஜெயலலிதா. தமிழில் விஜயகாந்த் நடித்த 'பெரிய மருது', அஜித் நடித்த 'அவள் வருவாளா' ஆகிய படங்களிலும் நடித்துள்ளார்.

சமீபத்திய பேட்டி ஒன்றில் தனது தனிப்பட்ட வாழ்க்கையைப் பற்றி சில விஷயங்களைப் பேசியுள்ளார். “நான் சரத்பாபுவைக் காதலித்தேன். அவரது வாழ்க்கையின் கடைசி காலத்தில் நான் அவருடன் இருந்தேன். நான் அவரைத் திருமணம் செய்து கொள்ள விரும்பினேன், அவர் மூலமாக குழந்தை பெற்றுக் கொள்ளவும் விரும்பினேன். இருந்தாலும் திரையுலகத்தில் செல்வாக்கு மிக்க சிலர் எங்களது திருமணம் நடைபெறவிடாமல் தடுத்தனர். நாங்கள் ஒன்றாக பல பயணங்களுக்குச் சென்றோம். எனது வாழ்க்கையில் என்னுடன் எப்போதும் இருக்க ஒரு வழிகாட்டி, ஒரு துணை எனக்கு தெய்வ சக்தியால் வந்தது என்று நம்பினேன். அவர் நல்லவராக, விதிவிலக்கானவராக இருந்தார். நாங்கள் குழந்தை பெற்றுக்கொள்ள நினைத்திருந்தோம். எங்களது ஆசை நிறைவேறுவதற்கு முன்பாகவே அவரது வாழ்க்கை முடிவுக்கு வந்துவிட்டது,” என வெளிப்படையாகப் பேசியுள்ளார்.

மறைந்த நடிகர் சரத்பாபு தமிழ், தெலுங்கு, மலையாளம், கன்னடம் ஆகிய மொழிகளில் நடித்தவர். உடல்நலக்குறைவால் கடந்த வருடம் மறைந்தார். தெலுங்கு நடிகை ரமாபிரபாவைத் திருமணம் செய்து கொள்ளாமல் அவருடன் எட்டு வருடங்கள் ஒன்றாக வாழ்ந்தார். அவரைப் பிரிந்த பின்பு, வில்லன் நடிகர் நம்பியாரின் மகள் சினேகா நம்பியாரைத் திருமணம் செய்து கொண்டார் சரத்பாபு. சில வருடங்களுக்குப் பிறகு அவர்களும் பிரிந்தனர். தற்போது சரத்பாபுவுடன் தான் ஒன்றாக வசித்தது பற்றி ஜெயலலிதா கூறியுள்ளார். சரத்பாபு மறைந்து இத்தனை மாதங்கள் ஆன பிறகே அவர்களது தனிப்பட்ட வாழ்க்கையைப் பற்றியும் பகிர்ந்துள்ளார்.

• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்

• 
  23 வருடங்களுக்கு பிறகு பிரசாந்த் - ஹரி கூட்டணி -அதிகாரப்பூர்வ அறிவிப்பு
• 
  விஜய்யின் ‛லியோ' பட சாதனையை முறியடித்த அஜித்தின் ‛குட் பேட் அக்லி' ...
• 
  பொன்ராம் இயக்கத்தில் சண்முக பாண்டியன் நடிக்கும் ‛கொம்பு சீவி'
• 
  சத்யராஜ் பாணியில் கதை தேடும் ‛மர்மர்' நாயகன் தேவ்ராஜ்!
• 
  தமிழகத்திற்காக மற்ற மாநிலங்களிலும் ‛குட் பேட் அக்லி' படத்தின் அதிகாலை ...