Dinamalar

ஜெயராமின் மலையாள பட டிரைலரை வெளியிடும் மகேஷ்பாபு

நடிகர் ஜெயராம் கடந்த சில வருடங்களாகவே மலையாளத்தில் நடிப்பதை குறைத்துக்கொண்டு தமிழ் மற்றும் தெலுங்கு மொழிகளில் நடிப்பதில் அதிக கவனம் செலுத்தி வருகிறார். அந்தவகையில் தமிழில் வெளியான பொன்னியின் செல்வன் இரண்டு பாகங்களிலும் ஜெயராமின் நடிப்பிற்கு மிகப்பெரிய வரவேற்பு கிடைத்தது. சமீபத்தில் நானியின் ‛ஹாய் நானா' தெலுங்கு படத்தில் கூட ஜெயராம் நடித்திருந்தார். இந்த நிலையில் ஒரு சிறிய இடைவெளிக்குப் பிறகு தற்போது மீண்டும் மலையாளத்தில் ‛ஆப்ரஹாம் ஒஸ்லர்' என்கிற படத்தில் ஹீரோவாக நடித்து வருகிறார் ஜெயராம்.

இந்த படத்தில் தொடர்ச்சியாக நடைபெறும் சீரியல் கொலைகளை கண்டுபிடிக்கும் ஒரு போலீஸ் அதிகாரியாக ஜெயராம் நடிக்கிறார். இதுதவிர இந்த படத்தில் மம்முட்டியும் ஒரு முக்கியான கெஸ்ட் ரோலில் நடிக்கிறார். கடந்த இரண்டு வருடங்களுக்கு முன்பு மலையாளத்தில் குஞ்சாக்கோ போபன் நடிப்பில் வெளியாகி வெற்றிபெற்ற அஞ்சாம் பாதிரா படத்தை இயக்கிய மிதுன் மானுவேல் தாமஸ் தான் இந்த படத்தை இயக்கியுள்ளார்.

வரும் ஜன.,11ம் தேதி இந்தப்படம் வெளியாகவுள்ள நிலையில் இதன் டிரைலரை நடிகர் மகேஷ்பாபு வரும் ஜனவரி 3ம் தேதி இரவு ஏழு முப்பது மணிக்கு வெளியிட இருக்கிறார். தற்போது மகேஷ் பாபு நடித்து வரும் குண்டூர் காரம் படத்தில் ஜெயராமும் முக்கிய கதாபாத்திரத்தில் நடித்துள்ளார். அந்த நட்பின் அடிப்படையில் மகேஷ்பாபு ஜெயராம் படத்தின் டிரைலரை வெளியிடுகிறார் என்பது குறிப்பிடத்தக்கது.

• செய்திகள்
• வந்த படங்கள்
• வரவிருக்கும் படங்கள்

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  டொவினோ தாமஸின் படத்தில் சிறப்பு தோற்றத்தில் நடிக்கும் பிரித்விராஜ்
• 
  'சேவ் பாக்ஸ்' மோசடி வழக்கு ; அமலாக்கத்துறை விசாரணைக்கு ஆஜரான நடிகர் ...
• 
  2026ல் ஓணம் பண்டிகைக்கு வெளியாகும் நிவின் பாலி, மமிதா பைஜூ படம்
• 
  பிரபாஸின் 'தி ராஜா சாப்' படத்தின் டிரைலர் இன்று வெளியாகவில்லை! வதந்தியை ...
• 
  வார் 2 படத்தால் நஷ்டமா... : தயாரிப்பாளர் விளக்கம்