Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

1997 தீபாவளி நாளின் 'பொற்காலம்'

30 அக், 2023 - 16:19 IST
எழுத்தின் அளவு:
1997-Diwali-release-Porkalam-movie

90களில் தமிழ் சினிமா சில பல புதிய இயக்குனர்களால் புதிய பாதையில் பயணிக்க ஆரம்பித்தது. 90களுக்குப் பிறகுதான் பலரும் திரையுலகை நோக்கி வரத் துவங்கினார்கள். பல கட்டுப்பாடுகளை உடைத்த காலமாக அந்தக் காலத்தைச் சொல்லலாம்.

1997ம் ஆண்டு தீபாவளி தினம் அக்டோபர் 30ம் தேதி வந்தது. அன்றைய தினம் தமிழ் சினிமாவில் பாலசந்தர் இயக்கிய 'விடுகதை', சுரேஷ் கிருஷ்ணா இயக்கிய 'ஆஹா', சத்யராஜ் நடித்த 'பெரிய மனுஷன்', சேரன் இயக்கி முரளி, மீனா நடித்த 'பொற்காலம்', நாகார்ஜுனா நடித்த 'ரட்சகன்', பிரபு நடித்த 'தேடினேன் வந்தது', ராமராஜன் நடித்த 'தெம்மாங்கு பாட்டுக்காரன்', கஸ்தூரிராஜா இயக்கிய 'வாசுகி' ஆகிய படங்கள் வெளிவந்தன.

பாலசந்தர் இயக்கிய 'விடுகதை' படத்திற்கு நல்ல விமர்சனங்கள் கிடைத்தாலும் வியாபார ரீதியாக ஓடவில்லை. சுரேஷ் கிருஷ்ணா இயக்கிய 'ஆஹா' படம் சுமாரான வெற்றியைப் பெற்றது. நாகார்ஜுனா தமிழில் முதன் முதலாக நடித்த 'ரட்சகன்' படம் தோல்வியைத் தழுவியது. மற்ற படங்களான 'தேடினேன் வந்தது, தெம்மாங்கு பாட்டுக்காரன், வாசுகி' ஆகிய படங்கள் சரியாக ஓடவில்லை.

சேரன் நடிக்க தேவா இசையமைத்த முரளி, மீனா, சங்கவி, மணிவண்ணன், வடிவேலு, ராஜேஸ்வரி மற்றும் பலர் நடித்த 'பொற்காலம்' படம் விமர்சன ரீதியாக நல்ல வரவேற்பைப் பெற்று வியாபார ரீதியாகவும் வெற்றி பெற்று 100 நாட்களைக் கடந்து ஓடியது.

மண்பாண்டத் தொழில் செய்யும் முரளிக்கு வாய் பேச முடியாத ஒரு தங்கை ராஜேஸ்வரி. அவர்களின் அப்பா மணிவண்ணன் ஒரு குடிகாரர். தங்கைக்கு எப்படியாவது திருமணம் செய்து வைத்துவிட வேண்டும் என நினைக்கிறார் முரளி. ராஜேஸ்வரிக்கு ஒருவருடன் திருமணம் வரை சென்று அது நின்றுவிடுகிறது. இந்நிலையில் அண்ணனுக்கு மேலும் சுமையாக இருக்க விரும்பாத தங்கை ராஜேஸ்வரி தற்கொலை செய்து கொள்கிறார். பக்கத்து வீட்டுப் பெண்ணான மீனாவைக் காதலித்து வரும் முரளி, தங்கையின் மறைவால் ஒரு முடிவு எடுக்கிறார். தங்கையைப் போலவே மாற்றுத் திறனாளி ஒருவருக்கு வாழ்க்கை கொடுக்க முன் வருகிறார். காதலைத் துறந்து அவர் எடுக்கும் முடிவு படம் பார்த்துவிட்டு வந்தவர்களை கலங்க வைத்த ஒரு கிளைமாக்சாக அமைந்தது.

மாற்றுத் திறனாளி பெண்களின் வாழ்க்கை எப்படிப்பட்டது என்பதை கிராமத்துப் பின்னணியில், கிராமத்து மனிதர்களுடன் யதார்த்தமான ஒரு படமாக இந்தப் படத்தைக் கொடுத்தார் இயக்குனர் சேரன்.

படத்தைப் பார்த்து மிகவும் ரசித்த ரஜினிகாந்த் அவரது 'அருணாச்சலம்' படத்தின் வெற்றி விழாவில் இயக்குனர் சேரனை அழைத்து கவுரவித்து தங்கச் செயின் ஒன்றைப் பரிசாக வழங்கினார். “உடல் ஊனமுற்றவர்களுக்கும் வாழ்க்கை கொடுக்க வேண்டும் என்ற சிறந்த கருத்தை அழகான படமாகக் கொடுத்தீர்கள். இந்த மேடையில் உங்களை வாழ்த்த ஆசைப்படுகிறேன்,” என்று சொல்லி பாராட்டினார் ரஜினிகாந்த்.

இப்படம் பற்றிய கூடுதல் தகவல் ஒன்று. சிங்கப்பூர் பிரதமராக இருந்து மறைந்த எஸ்ஆர் நாதன் அவர்களுக்கு இந்தப் படத்தில் இடம் பெற்ற 'தஞ்சாவூரு மண்ணு எடுத்து' பாடல் மிகவும் பிடிக்கும். அவர் மறைந்த பின் அவரது இறுதி நிகழ்வில் இந்தப் பாடலை இசைத்து அவருக்கு அஞ்சலி செலுத்தினர் என்பது கூடுதல் தகவல்.

90களில் வந்த படங்களில் மட்டுமல்ல, தமிழ் சினிமாவின் முக்கியமான படங்களில் ஒன்றாகவும் இந்த 'பொற்காலம்' படத்தைப் பதிவு செய்யலாம்.

Advertisement
கருத்துகள் (0) கருத்தைப் பதிவு செய்ய
புது வீட்டிற்கு கிரகப்பிரவேசம் செய்த காஜல் அகர்வால்புது வீட்டிற்கு கிரகப்பிரவேசம் ... 25வது நாளில் 'இறுகப்பற்று', நன்றி சொன்ன விக்ரம் பிரபு 25வது நாளில் 'இறுகப்பற்று', நன்றி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in