Dinamalar

வடிவேலு குடும்பத்தில் அடுத்த சோகம் : சகோதரர் காலமானார்

நடிகர் வடிவேலுவின் சகோதரர் ஜெகதீஸ்வரன்(52) உடல்நலக் குறைவால் மதுரையில் காலமானார்.

தமிழ் சினிமாவின் முன்னணி காமெடி நடிகர் வடிவேலு. சமீபத்தில் இவரது நடிப்பில் ‛மாமன்னன்' படம் வெளியாகி வரவேற்பை பெற்றது. அடுத்து ‛சந்திரமுகி 2' படம் வெளியாக உள்ளது. இவரது சகோதரரான தம்பி ஜெகதீஸ்ரவன், ‛மலைக்கோவில் தீபம், காதல் அழிவதில்லை' உள்ளிட்ட சில படங்களில் சிறு வேடங்களில் நடித்தார். மதுரையில் ஜவுளி வியாபாரம் செய்து வந்த இவர் கல்லீரல் பாதிப்பால் அவதிப்பட்டு வந்தார். மருத்துவமனையில் சிகிச்சை எடுத்து வந்த நிலையில் இன்று காலை(ஆக., 28) காலமானார்.

ஜெகதீஸ்வரன் உடல் அஞ்சலிக்காக மதுரை, ஐராவதநல்லூரில் உள்ள அவரது இல்லத்தில் வைக்கப்பட்டுள்ளது. இறுதிச்சடங்கில் வடிவேலுவும் பங்கேற்கிறார்.

கடந்த ஜனவரியில் தான் வடிவேலுவின் தாயார் சரோஜினி வயது மூப்பால் காலமானார். இப்போது அவரது தம்பி காலமானார். ஒரு ஆண்டிற்குள் வடிவேலு குடும்பத்தில் அடுத்தடுத்து இருவர் உயிரிழந்திருப்பது வடிவேலு மற்றும் அவரது குடும்பத்தினர் இடையே சோகத்தை ஏற்படுத்தி உள்ளது.

• 
  தர்மேந்திரா பிறந்தநாளில் ரசிகர்களின் பார்வைக்காக பண்ணை வீடு திறப்பு
• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'
• 
  ஏர் இந்தியா விமான சேவை மீது சிதார் இசைக் கலைஞர் ரவிசங்கரின் மகள் ...
• 
  தொடரும் பட ஹிந்தி ரீமேக்கில் அஜய் தேவகன் : இயக்குனர் தருண் மூர்த்தியின் ...

• 
  மணிரத்னம் இயக்கத்தில் விஜய் சேதுபதி, சாய் பல்லவி?
• 
  அகண்டா 2 தேதி குறிப்பிடாமல் தள்ளி வைப்பு…
• 
  ஒரு சாராருக்கு பிடித்த படங்களே வருகின்றன : இயக்குனர் ஆர்.வி.உதயகுமார்
• 
  லாக் டவுனை புறக்கணிக்கிறாரா அனுபமா பரமேஸ்வரன்?
• 
  ஹீரோ ஆனார் ராம்கோபால் வர்மா