Dinamalar

சோசியல் மீடியாவை கலக்கும் டூப்ளிகேட் பிரணவ் மோகன்லால்

பெரும்பாலும் எந்த ஒரு நடிகர், நடிகைக்கும் அவரது உருவத்தோற்றம் போலவே சாயல் கொண்டவர்கள் அவ்வப்போது டிக்டாக் வீடியோக்கள் மூலமாக தங்களை வெளிப்படுத்தி வருகிறார்கள்.. குறிப்பாக பிரபல நடிகைகள் போன்று உருவ தோற்றம் கொண்ட பெண்கள், அந்த நடிகைகள் நடித்த வசனங்கள், பாடல்கள் என இமிடேட் செய்து வீடியோக்களை வெளியிட்டு கவனத்தை ஈர்த்து வருகின்றனர். நடிகைகள் அளவுக்கு இல்லாவிட்டாலும் நடிகர்களுக்கும் ஓரளவுக்கு நகல்கள் இருக்கவே செய்கின்றனர்.

கமல் போன்ற உருவ தோற்றம் கொண்ட ஒருவர், ட்ரெட் மில்லில் கமலை போலவே நடனமாடி, கமலிடமே பாராட்டை பெற்றார். அதேபோல மலையாளத் திரையுலகின் இளம் நடிகர்களான துல்கர் சல்மான், பஹத் பாசில் ஆகியோரின் உருவத்தோற்றம் கொண்ட லுக் அலைக் நபர்கள் இரண்டு மூன்று வருடங்களுக்கு முன்பு பிரபலமானார்கள். இந்த நிலையில் மோகன்லாலின் மகன் பிரணவ் மோகன்லால் போலவே தோற்றம் கொண்ட பிரதாப் கோபால் என்பவர் தற்போது சோசியல் மீடியாவில் பிரபலமாகி வருகிறார்.

பெங்களூருவை சேர்ந்த இவர் முதன்முறையாக ஒரு பெண் தன்னைப் பார்த்து நீங்கள் பிரணவ் மோகன்லால் போல இருக்கிறீர்கள் என கூறியதை தொடர்ந்து தனது புகைப்படங்களை சோசியல் மீடியாவில் வெளியிட துவங்கினாராம். பலரும் அதேபோன்ற கருத்தையே கூறினார்களாம். இதில் இன்னொரு ஆச்சரியம் என்னவென்றால் சமீபத்தில் கேரளாவிற்கு வந்திருந்த பிரதாப் கோபால் மலையாள நடிகர் சங்கத்தில் உறுப்பினராக உள்ள தனது நண்பரின் அழைப்பை ஏற்று கடந்த ஞாயிற்றுக்கிழமை நடந்த மலையாள நடிகர் சங்க பொதுக்குழு கூட்டத்திற்கும் வருகை தந்துள்ளார்.

மோகன்லால் மற்றும் அவரது மகன் பிரணவ் இருவரையும் சந்திக்க விரும்பும் பிரதாப் கோபால் தன்னை பார்க்கும்போது அவர்கள் எப்படி ரியாக்ட் செய்வார்கள் என்பதை பார்க்க ஆவலாக இருக்கிறது என்றும் கூறியுள்ளார்.

• 
  'ரெய்டு-2' படத்தில் தமன்னாவின் 'நாஷா' கிளாமர் பாடல் வெளியீடு!
• 
  எனது கதையைத்தான் திருடி இருக்கிறார்கள் : 'லாபத்தா லேடிஸ்' கதாசிரியர் ...
• 
  ஆளே இல்லாத வீட்டிற்கு ஒரு லட்சம் கரண்ட் பில் : கங்கனா ஏற்படுத்திய ...
• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து

• 
  தெலுங்கில் தனது முதல் படப்பிடிப்பை நிறைவு செய்த சோனாக்ஷி சின்ஹா
• 
  திரில்லரும் அல்ல.. பீல் குட் படமும் அல்ல.. 'தொடரும்' படம் குறித்து ...
• 
  காருக்கு பேன்சி நம்பர் வாங்க போட்டி ; குஞ்சாக்கோ போபனுக்கு லக்.. ...
• 
  சிகிச்சை முடிந்து வீடு திரும்பிய பவன் கல்யாண் மகன்
• 
  வெளிநாடு சென்றாலும் கையோடு குக்கர் எடுத்துச் செல்லும் ராம்சரண்: மனைவி ...