Dinamalar

பத்து நாளில் பட வெளியீடு, பின் தங்கியிருக்கும் 'பிஎஸ் 2' டிரைலர்

மணிரத்னம் இயக்கத்தில், ஏஆர் ரஹ்மான் இசையமைப்பில் விக்ரம், கார்த்தி, ஜெயம் ரவி, த்ரிஷா, ஐஸ்வர்யா ராய் மற்றும் பலரது நடிப்பில் உருவாகியுள்ள 'பொன்னியின் செல்வன் 2' டிரைலர் இரண்டு வாரங்களுக்கும் முன்பு மார்ச் மாதம் 29ம் தேதி சென்னையில் நடைபெற்ற பிரம்மாண்ட நிகழ்ச்சியில் வெளியிடப்பட்டது.

டிரைலர் வெளியான யு டியூப் தளங்களில் திடீரென குழப்பம் ஏற்பட்டது. படத்தின் இசை உரிமையைப் பெற்ற டிப்ஸ் தமிழ் நிறுவனத்தின் யு டியூப் சேனலில்தான் முதலில் டிரைலர் வெளியானது. ஆனால், அடுத்த சில மணி நேரங்களிலேயே அந்த டிரைலர் முடக்கப்பட்டது. பின்னர் படத்தின் சாட்டிலைட் டிவி உரிமையை வாங்கிய தனியார் டிவி நிறுவனம் அதன் யு டியூப் சேனலில் டிரைலரை வெளியிட்டது.

படம் வெளியாக இன்னும் பத்து நாட்களே உள்ள நிலையில் இரண்டாம் பாகத்திற்கான டிரைலர் மிகவும் பின் தங்கியே உள்ளது. முதல் பாகத்தின் டிரைலர் கடந்த ஏழு மாதங்களுக்கு முன்பு படத் தயாரிப்பு நிறுவனமான லைக்கா நிறுவன யு டியூப் சேனலிலும், இசை உரிமையைப் பெற்ற டிப்ஸ் தமிழ் நிறுவனத்தின் யு டியுப் சேனலிலும் வெளியானது. லைக்கா சேனலில் 11 மில்லியன் பார்வைகளும், டிப்ஸ் சேனலில் 19 மில்லியன் பார்வைகளையும் இதுவரை பெற்றுள்ளது. இரண்டையும் சேர்த்தால் 30 மில்லியன் பார்வைகள், அதாவது 3 கோடி.

ஆனால், அடுத்த வாரம் வெளியாக உள்ள இரண்டாம் பாகத்தின் டிரைலர் கடந்த இரண்டு வாரங்களில் 12 மில்லியன் பார்வைகளை மட்டுமே பெற்றுள்ளது. முதல் பாகத்துடன் ஒப்பிடுகையில் 18 மில்லியன் பார்வைகள் பின் தங்கியுள்ளது. டிரைலர் வெளியான நாளில் ஏற்பட்ட குழப்பத்தால் இந்தப் பின்னடைவா அல்லது இரண்டாம் பாகத்திற்கு இவ்வளவுதான் எதிர்பார்ப்பா என்பது கேள்விக்குரிய ஒன்றாக உள்ளது.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு