Dinamalar

கிரிக்கெட் வீரர் நடராஜனின் வாழ்க்கை வரலாற்றில் நடிக்கும் சிவகார்த்திகேயன்?

நடிகர் சிவகார்த்திகேயன் நடிப்பில் கடைசியாக டான் படம் வெளியானது. இந்த படத்திற்கு பிறகு தெலுங்கு இயக்குனர் அனுதீப் இயக்கும் பிரின்ஸ் திரைப்படத்தில் சிவகார்த்திகேயன் நடித்துள்ளார். பிரின்ஸ் திரைப்படம் வருகிற 21ம் தேதி தீபாவளியை முன்னிட்டு வெளியாகவுள்ளது. இந்த படத்தில் சிவகார்த்திகேயனுக்கு ஜோடியாக உக்ரைன் நாட்டைச் சேர்ந்த மரியா ரியாபோஷப்கா நடித்துள்ளார்.

இந்தப் படத்திற்கு பிறகு சிவகார்த்திகேயன் மாவீரன் திரைப்படத்தில் நடித்துவருகிறார். இதில் அதிதி ஷங்கர் சிவகார்த்திகேயனுக்கு ஜோடியாக நடிக்கிறார். இத்திரைப்படத்தின் படப்பிடிப்பு தற்போது மும்முரமாக நடைபெற்று வருகிறது. அடுத்து கமல் தயாரிப்பில் ஒரு படத்திலும் நடிக்க உள்ளார்.

இந்நிலையில் பிரபல கிரிக்கெட் வீரரான நடராஜனின் வாழ்க்கை வரலாற்று படத்தில் நடிகர் சிவகார்த்திகேயன் நடிக்க உள்ளதாக தகவல் வெளியாகியுள்ளது. இதுதொடர்பாக பேசி வருவதாகவும், விரைவில் அறிவிப்பு வெளிவரலாம் என்கிறார்கள்.

சேலம் மாவட்டம் சின்னப்பம்பட்டி அருகே உள்ள குக்கிராமத்தை சேர்ந்தவர் நடராஜன். ஐபிஎல் போட்டிகளில் சிறப்பாக விளையாடி தமிழ்நாட்டுக்கு பெருமை சேர்த்த இவர் சர்வதேச கிரிக்கெட்டிலும் ஓரிரு போட்டிகளில் விளையாடினார்.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  ''அப்பா ஒரு குழந்தை; ஆதாரமற்ற வதந்திகளை பரப்பாதீர்கள்'' - ஏ.ஆர்.ரஹ்மான் ...
• 
  அழகுக்காக ஸ்ரீதேவி பட்ட சிரமம் : போனி கபூர் தகவல்
• 
  'வேவ்ஸ்' ஓ.டி.டி., தளம் : பிரசார் பாரதி துவக்கம்
• 
  நவ.26ம் தேதியில் விடுதலை-2 படத்தின் இசை வெளியீட்டு விழா
• 
  தெலுங்கில் அறிமுகமாகும் மமிதா பைஜூ