Dinamalar

தேசிய விருதுபெற்ற மலையாள கதாசிரியர் மாடம்பு குஞ்சுக்குட்டன் கொரோனாவால் மரணம்

கொரோனா இரண்டாவது அலை தீவிரமாக பரவி வரும் இந்த காலகட்டத்தில் திரையுலக பிரபலங்கள் பலரும் இயற்கையாகவோ அல்லது கொரோனாவுக்கோ மரணத்தை தழுவி வருகின்றனர். குறிப்பாக மலையாள திரையுலகை சேர்ந்த பிரபல கதாசிரியரும் இயக்குனருமான டென்னிஸ் ஜோசப் என்பவர் நேற்று காலமானார். இந்த அதிர்ச்சி விலகும் முன்பே தேசிய விருதுபெற்ற இன்னொரு மலையாள கதாசிரியரும், நடிகருமான மாடம்பு குஞ்சுக்குட்டன் என்பவரும் இன்று மரணத்தை தழுவியுள்ளார்.

எண்பது வயதான மாடம்பு குஞ்சுக்குட்டன் கொரோனா பாதிப்பு அறிகுறி காரணமாக மருத்துவமனையில் சேர்ந்து சிகிச்சை பெற்று வந்தார். இந்தநிலையில் சிகிச்சை பலனின்றி அவர் இன்று(மே 11) காலை மரணம் அடைந்தார். இவருடன் பணியாற்றிய பலரும் தங்களது இரங்கல்களை தெரிவித்து வருகின்றனர்.

கிட்டத்தட்ட நாற்பது வருடங்களுக்கும் மேலாக மலையாள திரையுலகில் கதாசிரியராகவும், நடிகராகவும் வலம் வந்த இவர் 2000த்தில் வெளியான கருணம் என்கிற படத்தின் சிறந்த திரைக்கதைக்காக தேசிய விருது பெற்றவர்.. மேலும் கேரள அரசின் சாகித்ய அகாடமி விருது உட்பட பல விருதுகளையும் இவர் பெற்றுள்ளார். அதுமட்டுமல்ல, 2001ல் நடைபெற்ற சட்டசபை தேர்தலில் கொடுங்கோல்லூர் தொகுதியில் பிஜேபி சார்பாக போட்டியிட்டு தோல்வி அடைந்தவர் என்பதும் குறிப்பிடத்தக்கது.

• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்
• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!

• 
  விவாகரத்து பெற்றுவிட்டேன் : வெளிப்படையாக அறிவித்த மம்முட்டி பட பெண் ...
• 
  லூசிபர் 3ம் பாகத்தின் டைட்டில் இதுதான் : இசையமைப்பாளர் சூசக தகவல்
• 
  இரண்டு நடிகர்களுக்கு போதைப்பொருள் சப்ளை ; கைதான பெண் வாக்குமூலம்
• 
  ரூ.25 கோடிக்கு பிஸ்னஸ் ஆன 'பேடி' பட ஆடியோ உரிமை
• 
  முன்கூட்டியே ரிலீசாகும் மோகன்லாலின் தொடரும் படம்