Dinamalar

டைட்டிலை மாற்றச் சொல்லி சென்சார் நிர்பந்தம் ; தள்ளிப்போன சுரேஷ் கோபி பட ரிலீஸ்

மலையாளத்தில் பிரபல நடிகரும் தற்போதைய மத்திய இணை அமைச்சருமான சுரேஷ்கோபி நடிப்பில் உருவாகியுள்ள படம் 'ஜேஎஸ்கே (ஜானகி Vs ஸ்டேட் ஆப் கேரளா)'. முழுக்க முழுக்க நீதிமன்ற பின்னணியில் உருவாகி இருக்கும் இந்த படத்தில் கதாநாயகியாக அனுபமா பரமேஸ்வரன் நடித்துள்ளார். இந்த படத்தை இயக்குனர் பிரவீன் நாராயணன் இயக்கியுள்ளார். ஜூன் 27ம் தேதி இந்த படம் ரிலீஸ் ஆக இருப்பதாக ஏற்கனவே அதிகாரப்பூர்வமாக அறிவிக்கப்பட்டிருந்தது. அந்த வகையில் சமீபத்தில் இந்த படம் சென்சாருக்கு அனுப்பப்பட்டு எந்தவித 'கட்'களும் இன்றி யு/ஏ 13+ சான்றிதழையும் பெற்றது. ஆனால் எதிர்பாராத விதமாக திடீரென சென்சார் குழுவினர் இந்த படத்தின் டைட்டிலில் சிறிய மாற்றம் செய்யும்படி படக்குழுவினருக்கு அறிவுறுத்தி உள்ளனர்.

குறிப்பாக டைட்டிலில் இடம் பெறும் ஜானகி என்கிற பெயரை மாற்றும்படி அவர்கள் நிர்பந்தித்து உள்ளதாக சொல்லப்படுகிறது. இது குறித்த தகவலை உறுதிப்படுத்தியுள்ள படத்தின் இயக்குனர் பிரவீன் நாராயணன், அதனால் வரும் ஜூன் 27ம் தேதி திட்டமிட்டபடி இந்த படம் ரிலீஸ் ஆகாது என்றும் ரிலீஸ் தேதி தள்ளி வைக்கப்படுகிறது என்றும் கூறியுள்ளார். மீண்டும் மறு தணிக்கைக்கு அனுப்பப்பட்டு இதே டைட்டிலை தக்க வைப்பார்களா அல்லது டைட்டிலை மாற்றுவார்களா என்பது இனிமேல் தான் தெரிய வரும். ஒரு மத்திய இணை அமைச்சராக இருக்கக்கூடிய சுரேஷ்கோபி நடித்த படம் கூட சென்சாரில் சிக்கலை எதிர்கொள்கிறது என்பது ஆச்சரியமான ஒன்றுதான்.

• 
  'சங்கராந்திகி வஸ்துனம்' ரீமேக்கில் அக்ஷய்குமார்
• 
  'பார்டர்-2' படத்துடன் வெளியாகும் துரந்தர் -2 படத்தின் டீசர்!
• 
  மீண்டும் ஷாருக்கானுடன் இணையும் அட்லி: 'டான் 3'ஐ இயக்குகிறாரா?
• 
  கார் பயணத்தின் போது 20 வருடங்களாக இந்த இரண்டு விஷயங்களை கவனமாக ...
• 
  துரந்தர் 2 ஒத்தி வைக்கப்படவில்லை : வதந்திக்கு முற்றுப்புள்ளி வைத்த ...

• 
  டொவினோ தாமஸ், கயாடு லோகரின் பள்ளிச்சட்டம்பி ரிலீஸ் தேதி அறிவிப்பு
• 
  சத்தா பச்சா பட முதல் டிக்கெட்டை வாங்கி ஆன்லைன் விற்பனையை துவங்கி வைத்த ...
• 
  ரீல்ஸ் வீடியோ மூலம் மம்முட்டிக்கு ஜோடியான பல்கலைக்கழக பெண் அதிகாரி
• 
  பிளாஷ்பேக் : சூசைட் பாயிண்ட்டில் ‛நாயகன்' பட நடிகையின் உயிரை ...
• 
  தொடரும் பட இயக்குனருடன் மீண்டும் இணைந்த மோகன்லால் : கதாநாயகியாக ...