Dinamalar

படிக்காதவன் ரஜினி போல உருவாக்கப்பட்டுள்ள மோகன்லால் கதாபாத்திரம்

நடிகர் மோகன்லால் தற்போது ஒரே நேரத்தில் லூசிபர்-2 மற்றும் தனது 360வது படம் என இரண்டு படங்களில் மாறிமாறி நடித்து வருகிறார். இதில் இன்னும் பெயரிடப்படாத அவரது 360வது படத்தை இயக்குனர் தருண் மூர்த்தி என்பவர் இயக்கி வருகிறார். கிட்டத்தட்ட 15 வருடங்களுக்கு பிறகு இந்த படத்தில் மீண்டும் மோகன்லாலுடன் நடிகை ஷோபனா இணைந்து நடித்து வருகிறார். இந்த படத்தில் மோகன்லால் ஒரு டாக்ஸி டிரைவர் கதாபாத்திரத்தில் நடிக்கிறார்.

இந்த படத்தில் அவர் தனக்கு சொந்தமான ஒரு பழைய அம்பாஸிடர் காரை தனது உயிராக பாவித்து அதை பாதுகாத்து அதன் மூலம் வாழ்க்கையை நடத்தும் ஒரு கதாபாத்திரத்தில் நடிக்கிறார் என்று சொல்லப்படுகிறது. கிட்டத்தட்ட படிக்காதவன் படத்தில் ரஜினிகாந்த் இதேபோன்ற கதாபாத்திரத்தில் தான் நடித்திருந்தார் என்பது குறிப்பிடத்தக்கது.

மோகன்லாலின் கதாபாத்திரம் குறித்து இயக்குனர் தருண் மூர்த்தி கூறும்போது, “இந்த படத்தில் நான் 80-90களில் வந்த விண்டேஜ் மோகன்லாலை காட்டப்போகிறேன் என்று சொல்கிறார்கள். அதில் உண்மையில்லை. இதுவரை ரசிகர்கள் பார்த்திராத ஒரு புதிய மோகன்லாலை இந்த படத்தில் பார்க்கலாம். அவரது நடிப்புமே இந்தப் படத்தில் முற்றிலும் மாறுபட்டதாக இருக்கும்” என்று கூறியுள்ளார்.

• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு

• 
  பிரித்விராஜ் செய்யலாம்.. நான் செய்யக்கூடாதா? : மலையாள குணச்சித்திர நடிகர் ...
• 
  அங்கிளான என்னை அண்ணனாக மாற்றிவிட்டார் பஹத் பாசில் ; இயக்குனர் சத்யன் ...
• 
  விநாயகர் சதுர்த்தி கொண்டாட்டத்திற்காக தானாகவே விநாயகர் சிலையை ...
• 
  ஆஸ்கர் போட்டிக்கு தேர்வான மலையாள இயக்குனர் படம்
• 
  ‛வார் - 2' படம் தோல்வி அடைந்ததால் ஜூனியர் என்டிஆரின் அடுத்த படத்தை ...