Dinamalar

ஹாலிவுட்டின் சோனி ஸ்டூடியோவில் ‛பரோஸ்' இசை வேலைகளை கவனிக்கும் மோகன்லால்

நடிகர் மோகன்லாலின் நடிப்பில் சமீப காலமாக ஜெயிலர், நேர், மலைக்கோட்டை வாலிபன் ஆகிய படங்கள் அடுத்தடுத்து வெளியாகி வந்தன. அதே சமயம் அவர் முதன் முதலாக ஒரு இயக்குனராக மாறி ‛பரோஸ்' என்கிற படத்தையும் இயக்கி வருகிறார். வரலாற்று பின்னணியில் 3டி.,யில் உருவாகி வரும் இந்த படத்தில் போர்ச்சுக்கீசியரான வாஸ்கோடகாமா நம் நாட்டில் நுழைந்து வாணிபம் செய்தபோது சேர்த்துவைத்த சொத்துக்களை பாதுகாக்கும் பரோஸ் என்கிற பாதுகாவலன் கதாபாத்திரத்தில் மோகன்லால் நடிக்கிறார். ஏ.ஆர்.ரஹ்மான் நடத்திவரும் கே.எம்.மியூசிக் கன்சர்வேட்டரி மாணவன் லிடியன் நாதஸ்வரம் என்கிற பதினெட்டு வயது சிறுவனை இந்த படத்தின் மூலம் இசையமைப்பாளராகவும் அறிமுகம் செய்கிறார் மோகன்லால்.

அதே சமயம் ‛ஐ இன் தி ஸ்கை, ஸ்கை டீப் ப்ளூ சீ-3, பிட்ஸ் பர்பெக்ட்' உள்ளிட்ட பல படங்களுக்கு இசையமைத்த பிரபல ஹாலிவுட் இசை அமைப்பாளர் மார்க் கிலியன் இந்த படத்தின் பின்னணி கோர்ப்பு பணிகளுக்காக மோகன்லாலுடன் இணைந்து பணியாற்றி வருகிறார். இந்த படத்தின் பெரும்பாலான பணிகள் முடிவடைந்த நிலையில் தற்போது ஹாலிவுட்டில் உள்ள சோனி ஸ்டுடியோவில் இதன் இசையை நன்கு மெருகேற்றும் பணிகள் நடைபெற்று வருகின்றன. இது குறித்த புகைப்படம் ஒன்றை தனது சோசியல் மீடியா பக்கத்தில் பகிர்ந்து கொண்டு இந்த தகவலை வெளியிட்டுள்ளார் மோகன்லால்.

• 
  சாய் பல்லவி நடித்துள்ள ஏக் தின் ஹிந்தி படத்தின் டிரைலர் வெளியானது
• 
  மும்பை துப்பாக்கிச்சூடு சம்பவத்தை மையப்படுத்தி உருவாகும் படத்தில் ...
• 
  துரந்தர் பட ரசிகர்களுக்கு சர்ப்ரைஸ்
• 
  ரிலீஸாகி எட்டு மாதங்களுக்குப் பிறகு ஓடிடியில் வெளியாகும் சித்தாரே ஜமீன் ...
• 
  துரந்தர் படம் பாகிஸ்தான் ரசிகர்களுக்கும் பிடிக்கும் : ஆதித்யா தர்

• 
  மகேஷ் பாபு ரசிகர்களிடம் மன்னிப்பு கேட்ட பவன் கல்யாண் பட இயக்குனர்
• 
  தள்ளிப்போகிறதா 'பேட்ரியாட்' ரிலீஸ் ? தேதி குறிப்பிடாமல் வெளியான ...
• 
  ஸ்வேதா மேனன் மீதான வழக்கை தள்ளுபடி செய்த உயர்நீதிமன்றம்
• 
  எக்கோ பட இயக்குனருக்கு இறால் பிரியாணி விருந்தளித்த பிரபாஸ்
• 
  அறிமுகப்படுத்திய இயக்குனருக்கு நன்றி சொன்ன மோகன்லால் மகள்