Dinamalar

தெய்வீக சக்தி எங்களை வழி நடத்துகிறது - 'ஹனு மான்' தேஜா சஜ்ஜா

தெலுங்கில் பொங்கலை முன்னிட்டு முன்னணி கதாநாயகன் மகேஷ் பாபு நடித்த 'குண்டூர் காரம்', வளரும் நாயகன் தேஜா சஜ்ஜா நடித்த 'ஹனு மான்' ஆகிய படங்கள் ஜனவரி 12ம் தேதியும், சீனியர் கதாநாயகன் வெங்கடேஷ் நடித்த 'சைந்தவ்' நேற்று ஜனவரி 13ம் தேதியும், மற்றொரு சீனியர் நாயகன் நாகார்ஜுனா நடித்த 'நா சாமி ரங்கா' படம் இன்று ஜனவரி 14ம் தேதியும் வெளியாகியுள்ளன.

வெளியீட்டிற்கு முன்பாக 'ஹனு மான்' படத்திற்கு தெலுங்கு சினிமாவின் முக்கிய ஏரியாக்களான நிஜாம், உத்தராந்திரா ஆகிய இடங்களில் அதிகத் தியேட்டர்கள் கிடைக்கவில்லை என்ற புகார் எழுந்தது. 'குண்டூர் காரம்' படத்தை வெளியிடும் தில் ராஜு அப்படத்திற்கு அதிக தியேட்டர்களை ஒதுக்கியதாகவும் குற்றம்சாட்டினார்கள். இந்நிலையில் 'குண்டூர் காரம்' படத்தை விடவும், 'ஹனு மான்' படத்திற்கு விமர்சகர்களிடமும், ரசிகர்களிடமும் நல்ல வரவேற்பு கிடைத்து வருகிறது. இதனால், 'குண்டூர் காரம்' படத்தை விடவும் 'ஹனு மான்' படம் வசூலில் சாதனை படைக்க வாய்ப்புள்ளது என்று கூறி வருகிறார்கள்.

படத்திற்குக் கிடைத்துள்ள வரவேற்பு குறித்து அப்படத்தின் நாயகன் தேஜா சஜ்ஜா, “எல்லா இடங்களிலிருந்தும் கிடைக்கும் சிறப்பான வரவேற்பு எனக்கு மகிழ்ச்சியைத் தந்துள்ளது. ரசிகர்கள் மிகவும் ஆதரவாக உள்ளார்கள். மற்ற மொழிகளில் நான் புதுமுகம் என்று சொன்னாலும், அங்கெல்லாம் எனக்குக் கிடைக்கும் வரவேற்பு ஆச்சரியமளிக்கிறது. ஹனு மான் படம் எனது திரையுலகப் பயணத்தில் ஒரு முக்கியமான படமாக இருக்கும். ஒரு நல்ல படம் வந்தால் ரசிகர்கள் மிகவும் வரவேற்பார்கள் என்பதற்கு இப்படம் ஒரு சாட்சி. ஒரு தெய்வீக சக்தி எங்களை வழி நடத்துகிறது என்பதை நான் உறுதியாக நம்புகிறேன்.

தற்போது ஒவ்வொரு காட்சிக்கும் தியேட்டர்கள் அதிகமாகி வருகிறது. இப்படம் நான்கு வாரங்களுக்கு ஓடும் என்று உறுதியாக நம்பினோம். அடுத்த வாரம் வரவேற்பு இன்னும் அதிகமாக இருக்கும் என நினைக்கிறோம்,” என்று தெரிவித்துள்ளார்.

• 
  எனது முத்தக் காட்சியை எப்படி நீக்கலாம் : பாலிவுட் நடிகை கண்டனம்
• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...

• 
  ஆவேசம் பட இயக்குனரின் கதையில் புதிய படம் இயக்கும் மஞ்சும்மேல் பாய்ஸ் ...
• 
  மோகன்லாலின் ‛ஹிருதயபூர்வம்' ரிலீஸ் தேதி அறிவிப்பு
• 
  துக்க வீட்டில் செல்பி எடுக்க முயன்ற ரசிகரை திட்டி தள்ளிவிட்ட ராஜமவுலி
• 
  சுரேஷ்கோபி படத்துக்கு ஒரு வழியாக யு/ஏ சான்றிதழ் கொடுத்த சென்சார்
• 
  75 வயதில் பிளஸ் டூ தேர்வு எழுத தயாரான மலையாள நடிகை