உள்ளாட்சி தேர்தலை மையமாக வைத்து உருவாகி உள்ள ‛எலக்சன்' | நடிகை நவ்யா நாயரின் சென்னை நினைவுகள் | அஜித்திற்கு இப்படி ஒரு வினோத பிரச்சனை இருந்ததா ? சுந்தர்.சி கூறிய ஆச்சர்ய தகவல் | அல்லு அர்ஜுன் மீது ஆந்திர போலீசார் வழக்கு | 'சர்பரோஸ்' 25ம் வருடத்தில் 2ம் பாகத்தை அறிவித்த அமீர்கான் | படத்தை ரிலீஸ் பண்ண விடாமல் டொவினோ தாமஸ் தடுக்கிறார் ; இயக்குனர் விரக்தி | குகைக்குள் விழுந்தவருக்கு பிஸ்கட்டால் மேக்கப் ; மஞ்சும்மேல் பாய்ஸ் இயக்குனர் புது தகவல் | ஜிவி பிரகாஷ் - சைந்தவி பிரிவு: குடும்ப பிரச்னை காரணமா? | கெட்ட வார்த்தையுடன் சந்தானம் பட புரோமோ வீடியோ | 2026 தேர்தல் - விஜய், விஷாலைத் தொடர்ந்து சூர்யா ? |
நெல்சன் திலீப்குமார் இயக்கத்தில் ரஜினிகாந்த் நடிப்பில் உருவாகியுள்ள படம் ஜெயிலர். வரும் ஆகஸ்ட் 10ஆம் தேதி இந்த படம் வெளியாக உள்ள நிலையில் இந்த படத்தின் புரமோஷன் நிகழ்ச்சிகள் தற்போது தொடங்கியுள்ளன. அந்த வகையில் சில தினங்களுக்கு முன்பு அனிருத் இசையில் காவாலா என்கிற இந்த படத்தின் பர்ஸ்ட் சிங்கிள் வெளியானது. வித்தியாசமான நடன அசைவுகளுடன் தமன்னா நடனமாடி இருந்த இந்த பாடல் ரசிகர்களிடம் வரவேற்பை பெற்றது.
இந்த பாடலுக்கு இப்போது வரை கிட்டத்தட்ட 50 ஆயிரத்திற்கும் மேற்பட்ட ரீல்ஸ் வீடியோக்கள் வெளியாகி உள்ளன. திரையுலக பிரபலங்கள் கூட இந்த பாடலுக்கு நடனம் ஆடி ரீல்ஸ் வீடியோ வெளியிட்டு வருகின்றனர். இந்த நிலையில் மலையாள வில்லன் மற்றும் குணச்சித்திர நடிகரான ஷைன் டாம் சாக்கோ சக நடிகையுடன் சேர்ந்து இந்த பாடலுக்கு நடனமாடி ரீல்ஸ் வீடியோ வெளியிட்டுள்ளார்.
இந்த வீடியோவில் அவருடன் ஆடும் நடிகை தமன்னாவின் நடனத்தை பிரதிபலிக்கும் முயற்சியுடன் ஆட, ஷைன் டாம் சாக்கோவோ தனது பாணியில் காமெடியாக நடனமாடுகிறார். இவர் இதே அனிருத் இசையில் இதற்கு முன் நெல்சன் இயக்கத்தில் வெளியான பீஸ்ட் படத்தில் வில்லன்களில் ஒருவராக நடித்திருந்தார். அந்த படத்தில் தனக்கு கொடுக்கப்பட்ட கதாபாத்திரத்தையும் விஜய்யின் கதாபாத்திர வடிவமைப்பையும் இவர் கிண்டலடித்து பேசியது சர்ச்சையை கிளப்பியது என்பதும், அதன் பிறகு அப்படி பேசியதற்காக இவர் மன்னிப்பு கேட்டார் என்பதும் குறிப்பிடத்தக்கது.