Dinamalar

கைவிட்ட பவன் கல்யாண் ? : விரக்தியில் வீரமல்லு இயக்குனர்

தெலுங்கில் பவன் கல்யாண் நடிப்பில் வரலாற்று படமாக அறிவிக்கப்பட்ட ஹரிஹர வீரமல்லு படத்தின் படப்பிடிப்பு கடந்த 2019லேயே துவங்கியது. பிரபல இயக்குனர் கிரிஷ் ஜஹர்லமுடி இந்த படத்தை இயக்கி வந்தார். இந்த நிலையில் கொரோனா தாக்கம் காரணமாக இந்த படத்தின் படப்பிடிப்பு நீண்ட நாட்கள் தடைப்பட்டு நின்றது. ஏற்கனவே 50 சதவீதம் படப்பிடிப்பு நிறைவடைந்துள்ள நிலையில், கொரோனா அலை ஓய்ந்த பின், மீண்டும் சில நாட்கள் மட்டும் இந்த படத்தில் நடித்த பவன் கல்யாண் அதைத்தொடர்ந்து இந்த படத்தை கண்டு கொள்ளாமல் வேறு படங்களில் கவனம் செலுத்த ஆரம்பித்து விட்டார்.

அந்த வகையில் இந்த படத்திற்கு பின்னர் ஆரம்பிக்கப்பட்ட வக்கீல் சாப், பீம்லா நாயக் ஆகிய படங்கள் கடந்த இரண்டு வருடங்களில் அடுத்தடுத்து வெளியாகி விட்டன. இதைத்தொடர்ந்து இந்த வருடம் துவங்கப்பட்ட சமுத்திரக்கனியின் வினோதய சித்தம் பட ரீமேக்கையும் பவன் கல்யாண் முடித்துவிட்டார். இன்னொரு பக்கம் சுஜித் இயக்கத்தில் உருவாகி வரும் ஓ ஜி மற்றும் ஹரிஷ்சங்கர் இயக்கத்தில் உருவாகி வரும் உஸ்தாத் பகத்சிங் ஆகிய படங்களுக்கு மாறி மாறி கால்ஷீட் கொடுத்து நடித்து வருகிறார்.

ஆனால் ஹரிஹர வீரமல்லு படத்தின் பக்கம் மட்டும் கவனத்தைத் திருப்ப மறுக்கிறாராம் பவன் கல்யாண். இந்த படத்தை தமிழ் திரைப்பட தயாரிப்பாளரான ஏ.எம் ரத்னம் தயாரித்து வருகிறார். இந்த படம் மேற்கொண்டு வளருமா என்கிற சந்தேக சூழல் நிழவுவதால் விரக்தியில் இருக்கிறாராம் இந்த படத்தில் இயக்குனர் கிரிஷ் ஜஹர்லமுடி.

• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா

• 
  'மஞ்சும்மேல் பாய்ஸ்' ஓடிடி உரிமை எவ்வளவு தெரியுமா?
• 
  பிளாஷ்பேக்: இசையிலும் சாதனை படைத்த ராஜ்குமார்
• 
  ஹாலிவுட் பட ஆடிசனில் கலந்து கொண்ட பஹத் பாசில்
• 
  தெலுங்கு இயக்குனர் சங்கத்திற்கு பிரபாஸ் ரூ.35 லட்சம் நன்கொடை
• 
  10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் ...