Dinamalar

சீனியர் நடிகர்களை அவமதிக்கும் விதமாக செட்டில் இருந்து வெளியேறிய சர்ச்சை நடிகர்

மலையாள திரை உலகில் வளர்ந்து வரும் இளம் நடிகர் ஷேன் நிகம். கடந்த சில வருடங்களுக்கு முன்பு வெயில் என்கிற படத்தில் அதிக சம்பளம் கேட்டு தயாரிப்பாளருடன் ஏற்பட்ட ஈகோ மோதலில் அந்த படம் முடிவடைவதற்கு முன்பாகவே அதில் நீண்ட தலைமுடியுடன் இருந்த தனது கெட்டப்பை மாற்றும் விதமாக முடியை வெட்டி அதிர்ச்சி அளித்தார் ஷேன் நிகம். இதைத் தொடர்ந்து அந்த விவகாரம் பூதாகரமாக உருவெடுத்து ஷேன் நிகமுக்கு தயாரிப்பாளர் சங்கம் ரெட் கார்டு போடும் அளவுக்கு நிலைமை சீரியஸ் ஆனது.

இதனால் தமிழில் ஒரு சில பெரிய படங்களில் நடிக்கும் வாய்ப்பையும் இழந்தார் ஷேன் நிகம். இதைத் தொடர்ந்து தயாரிப்பாளருடன் ஏற்பட்ட சமரசம் காரணமாக அந்த வெயில் படத்தை நடித்து முடித்து கொடுத்த ஷேன் நிகம், கடந்த இரண்டு வருடமாக நல்ல பிள்ளையாக நடித்து வருகிறார். அந்த வகையில் பிரியதர்ஷன் இயக்கத்தில் உருவாகியுள்ள கொரோனா பேப்பர்ஸ் என்கிற படத்தில் இவர் கதாநாயகனாக நடித்துள்ளார்.

இந்த நிலையில் தற்போது ஆர்டிஎக்ஸ் என்கிற படத்தில் இரண்டு கதாநாயகர்களின் ஒருவராக நடித்து வரும் ஷேன் நிகம் திடீரென அந்த படத்தின் படப்பிடிப்பை விட்டு சொல்லாமல் கொள்ளாமல் வெளியேறிய நிகழ்வு மலையாள திரை உலகில் பரபரப்பை ஏற்படுத்தி உள்ளது. இந்த படப்பிடிப்பின்போது சீனியர் நடிகர்களான லால், பாபு ஆண்டனி உள்ளிட்ட சில நடிகர்களுடன் ஷேன் நிகம் இணைந்து நடிக்கும் காட்சி படமாக்கப்பட்டு வந்தது. அப்போது திடீரென நள்ளிரவு 11 மணிக்கு மேல் யாரிடமும் சொல்லாமல் கோபத்துடன் ஷேன் நிகம் படப்பிடிப்பு தளத்தை விட்டு வெளியேறியதாக சொல்லப்படுகிறது.

மீண்டும் ஒரு ஈகோ மோதலா, இதன் பின்னணியில் நடந்தது என்ன என்பது குறித்து இன்னும் முழு விபரங்கள் எதுவும் தெரியவில்லை. இவருடன் இணைந்து நடிக்கும் இன்னொரு இளம் நடிகரான ஆண்டனி வர்கீஸ் அன்றைய தேதியில் படப்பிடிப்பு அவருக்கு இல்லாவிட்டாலும், இதை கேள்விப்பட்டு இந்த ட்ராமா எல்லாம் ரொம்ப ஓவர் என்று சோசியல் மீடியாவில் எனது கண்டனத்தை வெளிப்படுத்தி உள்ளார்.

• 
  ராஜமவுலி படம் மூலம் இந்திய திரையுலகிற்கு திரும்புவது உற்சாகம் : ...
• 
  7500 தியேட்டர்களில் வெளியாகும் வார் 2
• 
  பிரியதர்ஷன், அக்ஷய் குமார் படத்தில் விலகிய நடிகர் மீண்டும் இணைந்தார்
• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...
• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?

• 
  இயக்குனர் ரஞ்சித் மீதான பாலியல் குற்றச்சாட்டு வழக்கை தள்ளுபடி செய்த ...
• 
  என் படத்திற்கு ‛ஜானகி' டைட்டிலை அனுமதித்த சென்சார், சுரேஷ்கோபி படத்தை ...
• 
  மார்கோ 2 நிச்சயம் உருவாகும் : உன்னி முகுந்தன் விலகிய பிறகும் உறுதியாக ...
• 
  உங்களை ஏமாற்ற மாட்டேன் லாலேட்டா : மோகன்லால் மகளை அறிமுகப்படுத்தும் ...
• 
  சுரேஷ் கோபி பட சென்சார் விவகாரம் : சனிக்கிழமை படம் பார்க்கும் நீதிபதி