Dinamalar

2025ல் காமெடிக்கு பஞ்சம்: தியேட்டரில் சிரிப்பு சத்தம் கேட்கல

2025ம் ஆண்டை பொறுத்தவரையில் பெரிய நடிகர்கள் நடித்த பல படங்கள் ஓடவில்லை. சின்ன பட்ஜெட் படங்கள், மீடியம் பட்ஜெட் படங்கள், கதைக்கு முக்கியத்துவமுள்ள சில படங்களே ஓடின. குறிப்பாக, இந்த ஆண்டு காமெடிக்கு முக்கியத்துவமுள்ள படங்கள் அதிகம் வரவில்லை. ரசிகர்கள் தியேட்டரில் அதிகமாக சிரிக்கவில்லை என்று புள்ளிவிவரங்கள் தெரிவிக்கின்றன. குறிப்பாக, காமெடி நடிகர்களின் பங்களிப்பு இந்த ஆண்டு பெரிய ஏமாற்றம் என்கிறார்கள்.

காமெடியனாக அதிக படங்களில், கோடிகளை சம்பாதித்த யோகிபாபுவுக்கு 2025ம்ஆண்டு சரியில்லை. அவர் நல்ல சிரிப்பை தரும் படங்களில் நடிக்கவில்லை. மாறாக, அவர் நடித்த சின்ன படங்கள், புதுமுகங்கள் நடித்த படங்கள் கடுப்பைதான் தந்தன. அவரும் பல சர்ச்சைகளில் சிக்கி ரசிகர்களின் வெறுப்பைதான் சம்பாதித்தார் என்கிறார்கள்.

2025ம் ஆண்டு வந்த படங்களில் 'டூரிஸ்ட் பேமிலி'யில் சிம்ரன் மகனாக நடித்த கமலேஷ் கொஞ்சம் சிரிக்க வைத்தார், 'ஆண்பாவம் பொல்லாதது' படத்தில் வக்கீலாக வந்த ஜென்சன் திவாகர் சிரிக்க வைத்தார். 12 ஆண்டுகளுக்குபின் வந்த 'மதகஜராஜா'வில் சந்தானம் நல்ல சிரிப்பை தந்தார்.

'பறந்து போ'வில் ஹீரோ, ஹீரோயின் காமெடி பண்ணினார்கள். 'கேங்கர்ஸ், மாரீசன்' என 2 படங்களில் நடித்தார் வடிவேலு, இரண்டுமே வேறு ரகம். 'தேசிங்குராஜா 2'வில் சிரிப்பே இல்லை. 'குடும்பஸ்தன்' படத்தில் கதையுடன் காமெடி இருந்தது. 'பெருசு' அடல்ட் காமெடி. விக்ரம் பிரபுவின் 'லவ் மேரேஜ்' கதையிலும் கொஞ்சம் சிரிப்பு இருந்தது. இந்த ஆண்டு வெற்றி பெற்ற 'டிராகன், டியூட்' படத்தில் ஹீரோவே, நண்பர்களுடன் காமெடி செய்தார். சந்தானம் நடித்த 'டிடி நெக்ஸ்ட் லெவல்'ம் தமாசு இல்லை. ஏதோ ஊறுகாய் மாதிரி இந்த ஆண்டு படங்களில் காமெடி இருந்தது என்கிறார்கள் விமர்சகர்கள்.

• 
  எனக்கு நட்டம் தான், துரந்தர் 2 படத்தில் நடிக்காதது குறித்து அனில் கபூர் ...
• 
  ராஷ்மிகாவின் காக்டெய்ல் 2 படத்தின் ரிலீஸ் தேதி வெளியானது
• 
  சீக்வல் என்பதே ஒரு வகையான சுரண்டல் தான் : பிரியதர்ஷன் ஓபன் டாக்
• 
  ஒருவர் பின் ஒருவராக போகிறார்கள் ; நண்பர் மறைவால் அமிதாப் பச்சன் வேதனை
• 
  பாலிவுட் நடிகை கேரளாவில் திடீர் திருமணம்

• 
  நான் தயாரித்த படங்களால் நஷ்டம் : முதல் முறையாக மனம் திறந்த விஜய்சேதுபதி
• 
  சூர்யாவின் ‛விஸ்வநாத் அண்ட் சன்ஸ்' பட டீசர் நாளை மறுநாள் ரிலீஸ்
• 
  பேச்சுத்துணைக்காக சம்பளம் கொடுத்து சிங்கம்புலியை மலேசியா அழைத்துச் ...
• 
  லோகேஷ் கனகராஜ் பிறந்தநாளில் வெளியான டிசி படத்தின் புதிய போஸ்டர்
• 
  'ப்ரோ கிளப்' ஆக மாறும் 'ப்ரோ கோட்' ?