Dinamalar

நான் தயாரித்த படங்களால் நஷ்டம் : முதல் முறையாக மனம் திறந்த விஜய்சேதுபதி

விஜய்சேதுபதி நடித்த முதல் வெப்சீரிசான முத்து என்கிற காட்டான் வரும் மார்ச் 27ம் தேதி ஹாட்ஸ்டாரில் வெளியாக உள்ளது. காக்காமுட்டை, ஆண்டவன் கட்டளை, கடைசிவி வசாயி படங்களை இயக்கிய மணிகண்டனும், பி.அஜித்குமாரும் இணைந்து இதை இயக்கி உள்ளனர். சமீபத்தில் வெளியான இதன் டிரைலரில் காட்டான் என்ற கேரக்டர் குறித்து சில விஷயங்கள் விவரிக்கப்பட்டுள்ளன.

முத்து என்பவன் பயமுறுத்தும் குற்றவாளியா? அல்லது தவறாகப் புரிந்துகொள்ளப்பட்ட வீரனா? என பல்வேறு கோணங்களில் அந்த டிரைலரில் காண்பிக்கப்படுகிறது. முத்துவின் உண்மை முகமும், அவர் வாழ்க்கையில் செய்த கொடூரமான சம்பவங்களும் அதில் இடம் பெற்றுள்ளன. இதில் மிலிந்த் சோமன், சுதேவ்நாயர், மற்றும் முத்துக்குமார் உள்ளிட்ட பல முக்கிய நடிகர்களும் இணைந்து நடித்துள்ளனர்.

காட்டான் குறித்து விஜய் சேதுபதி கூறுகையில், “மணிகண்டன் முதன்முதலில் காட்டான் கதையை எனக்கு சொன்னபோது, ஆறு பக்கங்களைக் கொண்ட ஒரு சுருக்கக் குறிப்பை பகிர்ந்தார். அவர் கற்பனை செய்த கதாபாத்திரமும் அதன் உலகமும் என்னை உடனே ஈர்த்துவிட்டது. இந்தத் தொடரில் பணியாற்றிய அனுபவம், ஒரு நடிகராக எனக்கு உண்மையான மனநிறைவை அளித்தது. இதைப் பார்ப்போர் அனைவரும் இதன் மூலம் சிந்திக்கத் தூண்டும் ஏதாவது அர்த்தமுள்ள ஒன்றை எடுத்துச் செல்வார்கள் என்று நான் மனமார நம்புகிறேன்” என்கிறார்.

தமிழ், ஹிந்தி, தெலுங்கு, மலையாளம், கன்னடம், மராத்தி மற்றும் பெங்காலி ஆகிய ஏழு மொழிகளில் வெளியாகும் இதை விஜய் சேதுபதி தயாரித்துள்ளார் தனது தயாரிப்பாளர் அனுபவம் குறித்து பேசியுள்ள விஜய்சேதுபதி, ''இதற்கு முன்பு நான் தயாரித்த படங்கள் எனக்கு நஷ்டத்தையே ஏற்படுத்தின. சங்குதேவன் படத்தால் எனக்கு 1.75 கோடி நஷ்டம், ஆரஞ்சுமிட்டாய், மேற்கு தொடர்ச்சி , ஜூங்கா படங்களும் எனக்கு நஷ்டமாகவே முடிந்தன. இருப்பினும் இந்த படங்கள் எனக்கு பிடித்தமானவை என்பதால் எந்த வருத்தமும் ஏற்படவில்லை. காட்டான் வெப்சீரிஸை தயாரிக்க ஹாட் ஸ்டார் நிறுவனம் நிதி வழங்கியுள்ளது'' என்று கூறியுள்ளார்.

• 
  என் வாழ்க்கையில் திருப்புமுனையை ஏற்படுத்தியவர் ரஜினிகாந்த் ; பாலிவுட் ...
• 
  மகா காலேஸ்வரர் கோவிலில் தரிசனம் செய்த சாரா அர்ஜுன்
• 
  மும்பை திரையரங்குகளில் 300 கோடியை தாண்டிய முதல் இந்திய திரைப்படம் ...
• 
  'துரந்தர்-2 'படத்திற்கு தடைவிதிக்க : நீதிமன்றம் மறுப்பு
• 
  ரன்வீருக்கு 250 லுக், துரந்தருக்கு 10,000 உடைகள் : ஆடை வடிவமைப்பாளருக்கு நன்றி ...

• 
  'காக்கி சர்க்கஸ்' இயக்குனர் தான் என் காதலர் ; மனம் திறந்த நடிகை
• 
  ஆஷா போஸ்லே மறைவு; அரசியல் தலைவர்கள் முதல் சினிமா பிரபலங்கள் வரை இரங்கல்
• 
  என்டிஆர், நீல் படத்தில் பிரபல பாலிவுட் நடிகர்!
• 
  மாதவிடாய் பெரிய பிரச்னையாக ஆக இருக்க கூடாது! - நடிகை ஸ்ரீ லீலா
• 
  'சேயோன்' படத்தில் பாக்ய ஸ்ரீ போர்ஸ்!