தெலுங்குப் படத்திற்கு இசையமைக்கும் ஹாரிஸ் ஜெயராஜ்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

16 ஜன, 2022 - 12:03 IST

எழுத்தின் அளவு:

தமிழில் 'மின்னலே' படத்தின் மூலம் இசையமைப்பாளராக அறிமுகமானவர் ஹாரிஸ் ஜெயராஜ். தொடர்ந்து பல படங்களுக்கு இசையமைத்து, பல சூப்பர் ஹிட் பாடல்களைக் கொடுத்தவர். கடந்த சில வருடங்களாக அவருக்கு சரியான படங்கள் அமையவில்லை.

கடைசியாக கே.வி.ஆனந்த் இயக்கத்தில் சூர்யா நடித்த 'காப்பான்' படத்திற்கு இசையமைத்திருந்தார். கடந்த இரண்டு வருடங்களாக ஹாரிஸ் இசையில் ஒரு தமிழ்ப் படம் கூட வரவில்லை.

தெலுங்கிலும் சில நேரடிப் படங்களுக்கு இசையமைத்துள்ளார் ஹாரிஸ். அவர் இசையமைத்த பல தமிழ்ப் படங்கள் தெலுங்கில் டப்பிங் செய்யப்பட்டுள்ளதால் அங்கும் அவருக்கு ரசிகர்கள் இருக்கிறார்கள். தமிழ், தெலுங்கில் உருவாகி 2017ல் வெளிவந்த 'ஸ்பைடர்' படத்திற்குப் பிறகு மீண்டும் தெலுங்கில் ஒரு படத்திற்கு இசையமைக்க உள்ளார்.

நேற்று தெலுங்கு ரசிகர்களுக்கு ஹாரிஸ் பொங்கல் வாழ்த்து தெரிவித்திருந்தார். அப்போது ஒரு ரசிகர், மீண்டும் எப்போது தெலுங்கில் இசையமைப்பீர்கள் என்று கேட்டிருந்தார். அதற்கு பதிலளித்த ஹாரிஸ், நிதின் நடிக்கும் படத்தில் பணியாற்றி வருகிறேன், இந்த வருடம் சந்திப்போம் என்று தெரிவித்திருந்தார். “எங்களது படத்திற்கு உங்களது மேஜிக்கை அனுபவிக்கக் காத்திருக்க முடியவில்லை,” என ஹாரிஸைப் பாராட்டி பதிவிட்டுள்ளார் நடிகர் நிதின். தமிழிலும் இந்த வருடம் ஹாரிஸ் படங்களை எதிர்பார்க்கலாம் என்கிறது கோலிவுட் வட்டாரம்.

Harris Jayaraj

Composes Music

Telugu Film

ஹாரிஸ் ஜெயராஜ்

தெலுங்குப் படம்

இசை

கருத்துகள் (0) கருத்தைப் பதிவு செய்ய

மீண்டும் அரசியலா? விளக்கம் அளித்த ...

மம்முட்டிக்கு கொரோனா பாதிப்பு

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய