Dinamalar

என்னை நம்பி கடவுள் ஒரு குழந்தையை ஒப்படைத்திருக்கிறார் : மகன் பற்றி பிரியாராமன் கண்ணீர் பேட்டி

நடிகர் ரஞ்சித்தும், நடிகை பிரியா ராமனும் காதலித்து திருமணம் செய்து கொண்டவர்கள். இவர்களுக்கு இரண்டு மகன்கள் உள்ளனர். இடையில் சில காலம் கருத்து வேறுபாடு காரணமாக இருவரும் பிரிந்து வாழ்ந்தனர். ரஞ்சித் நடிகை ராகசுதாவை 2வது திருமணம் செய்தார். பின்னர் அவரை விட்டு பிரிந்தார்.

தற்போது 'பிக் பாஸ்' நிகழ்ச்சியில் பங்கேற்றுள்ள ரஞ்சித் தனது மூத்த மகன் ஆதித்யா ஆடிசம் பாதித்த குழந்தை என்பதை கண்ணீருடன் தெரிவித்தார். இதுவரை வெளி உலகம் அறியாத இந்த விஷயம் தெரியவந்தபோது எல்லோரும் அதிர்ச்சி அடைந்தனர். இந்த நிலையில் தனது மகன் ஆதித்யா குறித்து பிரியா ராமன் கூறியிருப்பதாவது:

ஆதித்யாவை நாங்கள் ஒரு பிரச்னையாகப் பார்க்கவில்லை. நான் ஆதித்யா அம்மா என்பதில் மிகவும் பெருமைப்படுகிறேன். இதுபோன்ற மகனை வீட்டில் வளர்ப்பது என்பது சவாலான விஷயம். ஆதித்யாவுக்கு ஆட்டிசம் என்று சொன்னபோது, ‛நீ என்ன தவறு செய்தாய்? உனக்கு இப்படி ஒரு தண்டனை கிடைத்திருக்கிறது' என்று, ஆறுதல் சொல்வதாக நினைத்து என்னிடம் சிலர் சொல்வார்கள். நானும் வருத்தப்பட்டு அழுதிருக்கிறேன் என்றாலும், இதுதான் என்பதை ஏற்றுக்கொள்ள ஆரம்பித்த பிறகு பல விஷயங்கள் புரிந்தது.

கடவுள் என்னை நம்பி, என்னிடம் அந்தக் குழந்தையைக் கொடுத்திருக்கிறார். என் மீது கடவுளுக்கு அவ்வளவு நம்பிக்கை என்று தோன்றியது. ரஞ்சித்தின் நிறைய குணங்கள் ஆதித்யாவிடம் இருக்கிறது. மிகவும் பாசமான, அன்பான மகன். நாங்கள் சோகமாக இருந்தால், உடனே வந்து கட்டிப்பிடிப்பான். நான் இருக்கிறேன் என்ற பாதுகாப்பு உணர்வைக் கொடுப்பான். அவன் எங்களின் அன்புக் குழந்தை. அவனுக்காக எவ்வளவு வேண்டுமானாலும் கஷ்டப்படுவோம்.

அவனது பயணத்தில்தான் எங்களது பயணமும் இணைந்திருக்கிறது. நான் எங்கே சென்றாலும் ஆதித்யாவையும் அழைத்துச் செல்வேன். மியூசிக், ஸ்போர்ட்ஸ் எல்லாம் அவனுக்கு மிகவும் பிடிக்கும். தனக்குப் பிடித்ததை சந்தோஷமாக செய்து கொண்டிருக்கிறான். எங்கள் வாழ்க்கையும் சந்தோஷமாக இருக்கிறது.

இவ்வாறு அவர் கூறியுள்ளார்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  சோளிங்கர் லட்சுமி நரசிம்மர் கோவிலில் சூர்யா - சிவா வழிபாடு
• 
  விவாகரத்து வழக்கு ; தனுஷ் - ஐஸ்வர்யா நேரில் ஆஜர் : பிரிவதில் இருவரும் உறுதி
• 
  விமர்சனங்கள், தியேட்டர் கருத்துக்கள்…தடுக்க முடியுமா?
• 
  ஏ.ஆர்.ரஹ்மான் குழுவிலிருந்த பெண் 'கிடாரிஸ்ட்' விவாகரத்து
• 
  30 வருடங்களுக்குப் பிறகு த்ரிஷா ஜப்பான் பயணம்