Dinamalar

என் மனைவி பற்றி அவதூறாக விமர்சிக்க வேண்டாம் ; மனோஜ் கே.ஜெயன் வேண்டுகோள்

மலையாள திரையுலகில் வில்லன், குணச்சித்திர நடிகர் என கடந்த 30 வருடங்களாக பயணித்து வருபவர் நடிகர் மனோஜ் கே.ஜெயன். தமிழிலும் திருப்பாச்சி, தூள், திருமலை உள்ளிட்ட பல படங்களில் நடித்துள்ளார். இவரது தந்தை பிரபல இசையமைப்பாளர் கே.ஜி ஜெயன் கடந்த சில நாட்களுக்கு முன்பு காலமானார். இவரது மரணத்தின்போது மனோஜ் கே ஜெயனின் மனைவி ஆஷா தாங்க முடியாமல் கதறி அழுத வீடியோ ஒன்று சோசியல் மீடியாவில் வெளியானது.

பல பேர் அவரது பாச உணர்வு குறித்து பாராட்டுகளை வெளிப்படுத்தினாலும், சிலர் ஒரு மருமகள் எப்படி தன் மாமனார் இறந்ததற்காக இப்படி கண்ணீர் விட்டு கதற முடியும் என்று விமர்சனங்களையும் கூறினர். இதனைத் தொடர்ந்து தற்போது மனோஜ் கே.ஜெயன் தனது தந்தை மற்றும் மனைவி உள்ளிட்டோருடன் இருக்கும் புகைப்படங்களை சோசியல் மீடியாவில் வெளியிட்டு அவற்றுடன் நெட்டிசன்களுக்கு ஒரு கோரிக்கையையும் வைத்துள்ளார்.

“என்னுடைய மனைவி 15 வயதிலேயே தனது அப்பாவை இழந்து விட்டவர். எங்கள் வீட்டிற்கு அவர் வெறும் மருமகளாக மட்டும் வரவில்லை. என் தந்தையை அவரது தந்தையாகவே அவர் ஏற்றுக்கொண்டார். அவரது இறுதி காலத்தில் அவருக்கான பணிவிடைகள் அனைத்தையும் முகம் சுளிக்காமல் செய்தவர் என்னைவிட மேலாக அவரைப் பார்த்துக் கொண்டவர். அதனால் தான் அவரது மரணத்தை என் மனைவியால் அவ்வளவு எளிதில் ஏற்றுக் கொள்ள முடியவில்லை.

நிச்சயம் ஒரு தந்தை மகள் மீது காட்டும் பாசத்தை போல, மகள் தந்தை மீது காட்டும் பாசத்தைப் போல என் மனைவி என் தந்தை மீது காட்டிய பாசமும் புனிதமானது. உறவுகளின் புனிதம் பற்றி எதுவுமே தெரியாதவர்கள் எப்படி வேண்டுமானாலும் பேசுவார்கள். அவர்களை நாம் ஒன்றும் சொல்வதற்கு இல்லை. தயவு செய்து என் மனைவி பற்றி இனியும் அவதூறாக விமர்சிக்காதீர்கள்” என்று உருக்கமாக வேண்டுகோள் வைத்துள்ளார்.

• 
  திருப்பதி கோவிலில் சிறப்பு தரிசனம்: நடிகை ரூபினியிடம் ஒன்றரை லட்சம் ...
• 
  வெங்கட் பிரபுவிடம் அவகாசம் கேட்ட அக்ஷய் குமார்
• 
  ஏஜ தொழில்நுட்பத்தில் தயாராகும் முதல் இந்திய படம்
• 
  மோகன்லாலின் அன்பு கட்டளையை மீற முடியவில்லை : விவேக் ஓபராய்
• 
  விலை உயர்ந்த காரை வாங்கிய ஊர்வசி ரவுட்டேலா

• 
  தெலுங்கானா முதல்வரை நேரில் சென்று சந்தித்த விஷ்ணு மஞ்சு
• 
  எம்புரான், பஷூக்கா : தொடர்ந்து ஆக்ஷன் மோடுக்கு தயாராகும் மலையாளம்
• 
  மீண்டும் ஒரு புரமோஷன் சர்ச்சை : இந்த முறை பெண் இயக்குனருக்கும் ...
• 
  பெண் தொழில்நுட்ப கலைஞர்கள் மட்டுமே பணியாற்றியுள்ள முதல் மலையாள படம் ...
• 
  நான் ஈ படத்தின் உல்டாவாக மலையாளத்தில் உருவாகியுள்ள லவ்லி