Dinamalar

தெலுங்கானா முதல்வரை நேரில் சென்று சந்தித்த விஷ்ணு மஞ்சு

தெலுங்கு திரை உலகில் முன்னணி இளம் நடிகர்கள், சீனியர் நடிகர்கள் என பலர் இருக்கும் நிலையில் ஆச்சரியப்படத்தக்க வகையில் நடிகர் மோகன்பாபுவின் மகனான நடிகர் விஷ்ணு மஞ்சு கடந்த முறை நடிகர் சங்க தேர்தலில் போட்டியிட்டு தலைவராக தேர்ந்தெடுக்கப்பட்டார். தற்போது 'கண்ணப்பா' என்கிற படத்தை தயாரித்து அதில் மோகன்லால், அக்ஷய் குமார், பிரபாஸ் என பான் இந்திய பிரபலங்களை நடிக்க வைத்து வரும் ஏப்ரல் மாதம் அந்த படத்தை ரிலீஸுக்கு தயார் செய்து வருகிறார்.

இந்த நிலையில் தெலுங்கானா முதல்வர் ரேவந்த் ரெட்டியை தனது தந்தை மோகன்பாபு உடன் சேர்ந்து சென்று நேரில் சந்தித்து அவரது செயல்பாடுகளுக்கு பாராட்டுக்களை தெரிவித்து தனது படத்திற்கான வாழ்த்துக்களையும் பெற்றுள்ளார் விஷ்ணு மஞ்சு. இது குறித்து அவர் வெளியிட்டுள்ள பதிவில், “தெலுங்கானா முதல்வரை சந்தித்ததில் மிகவும் மகிழ்ச்சி. அவர் தெலுங்கு திரை உலக வளர்ச்சிக்காக பல நல்ல திட்டங்களை மேற்கொண்டு வருகிறார். அவருடன் மேலும் திரையுலகம் குறித்த முக்கியமான பல விஷயங்களை விவாதித்தேன்” என்று கூறியுள்ளார்.

அதே சமயம் புஷ்பா-2 திரைப்படம் முதல் நாள் வெளியீட்டில் ஏற்பட்ட ஒரு பெண்ணின் அகால மரணம் தொடர்பாக படங்களை திரையிடுவதில் பல கண்டிப்பான விதிமுறைகளை முதல்வர் ரேவந்த் ரெட்டி நடைமுறைக்கு கொண்டு வந்துள்ளார். அடுத்து தனது கண்ணப்பா திரைப்படம் பான் இந்தியா வெளியீடாக வெளியாக இருப்பதால் முன்கூட்டியே அது குறித்து சில விஷயங்களை விளக்கி படத்திற்கான சில சலுகைகளை பெறுவதற்காகவும் தான் விஷ்ணு மஞ்சு இந்த சந்திப்பை மேற்கொண்டுள்ளார் என்றும் சொல்லப்படுகிறது.

• 
  பதட்டத்துடன் சிக்கந்தர் படப்பிடிப்பை நடத்திய ஏ.ஆர். முருகதாஸ்
• 
  என் சகோதரி நல்லா நடித்திருக்கிறாரா? - பிரித்விராஜிடம் விசாரித்த ...
• 
  நடிகை ரகுல் ப்ரீத் சிங் கணவரின் வீட்டில் குடியேறும் ஷாருக்கான்!
• 
  சித்தார்த் - கியாரா திருமணத்தால் பல நாட்கள் அழுதேன் ; கிச்சா சுதீப் மகள் ...
• 
  சல்மான்கான் குடும்பத்தினருடன் 'சிக்கந்தர்' படம் பார்த்த ஏ.ஆர் ...

• 
  எம்புரான் படத்தில் பஹத் பாசில் இல்லை ; பிரித்விராஜ் திட்டவட்டம்
• 
  தினசரி வாடகைக்கு விடப்படும் மம்முட்டி வீடு : வாய்பிளக்க வைக்கும் வாடகை
• 
  இப்ப நான் என்ன பண்றது? வடிவேலு பாணியில் புலம்பிய மோகன்லால் பட இயக்குனர்
• 
  'மிராஜ்' படப்பிடிப்பை நிறைவு செய்தார் ஜீத்து ஜோசப்
• 
  ஹேமா கமிஷன் அறிக்கை : கேரள உயர் நீதிமன்றம் புதிய உத்தரவு