Dinamalar

தேர்தலுக்கு பிறகு அரசியலுக்கு வருவேன்: சத்யராஜ் மகள்

நடிகர் சத்யராஜின் மகள் திவ்யா சத்யராஜ். பிரபல ஊட்டச்சத்து மருத்துவரான இவர் கடந்த மூன்று ஆண்டுகளாக மகிழ்மதி இயக்கம் என்ற அமைப்பின் மூலம், வறுமை கோட்டுக்கு கீழ் உள்ள அனைவருக்கும் தரமான ஊட்டச்சத்து உணவு இலவசமாக கிடைக்க வேண்டும் என வலியுறுத்தி அதற்காக சில பணிகளையும் செய்து வருகிறார். கடந்த சட்டசபை தேர்தலின் போது இவர் தி.மு.க.,வில் இணைவார் என பேசப்பட்டது. ஆனால் எந்த கட்சியிலும் சேராமல் இருந்து வந்தார்.

இந்நிலையில், திவ்யா சத்யராஜ்க்கு ஒரு கட்சியில் சேர அழைப்பு விடுக்கப்பட்டிருந்தது. இதுகுறித்து திவ்யா சத்யராஜ் கூறியதாவது: எனக்கு அரசியல் ஆர்வம் உண்டு. நான் எம்.பி.,யாக ஆசைப்படுகிறேனா எனக்காக என் தந்தை பிரசாரம் செய்வாரா என்றெல்லாம் பலரும் கேள்வி கேட்டனர். நான் பதவிக்காகவோ, தேர்தலில் ஜெயிக்கவோ அரசியலுக்கு வர வேண்டும் என நினைக்கவில்லை. மக்களுக்கு வேலை செய்யவே அரசியலுக்கு வர நினைத்தேன். நான் மகிழ்மதி இயக்கம் ஆரம்பித்து மூன்று ஆண்டுகளாக களப்பணி செய்து வருகிறேன்.

இந்த அமைப்பின் மூலம், தமிழகத்தில் வறுமைகோட்டுக்கு கீழ் உள்ள மக்களுக்கு இலவசமாக ஊட்டச்சத்து நிறைந்த உணவு வழங்கப்படுகிறது. நான் தனிக்கட்சியும் ஆரம்பிக்கப் போவதில்லை. வரும் லோக்சபா தேர்தலில் போட்டியிட எனக்கு ஒரு கட்சியிலிருந்து அழைப்பு வந்தது. ஆனால் எனக்கு விருப்பம் இல்லை. எந்த கட்சியுடன் இணையப் போகிறேன் என்பதை லோக்சபா தேர்தல் முடிந்தவுடன் அறிவிப்பேன். சத்யராஜின் மகளாகவும், தமிழ் மகளாகவும் தமிழகத்தின் நலன் காக்க உழைப்பேன். இவ்வாறு அவர் கூறினார்.

• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...
• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...

• 
  புஷ்கர் - காயத்ரி அடுத்த படத்தில் சிவகார்த்திகேயன்?
• 
  செல்வராகவன் நடிக்கும் புதிய பட அறிவிப்பு!
• 
  பைசன் படம் குறித்து இயக்குனர் ராம் வெளியிட்ட தகவல்
• 
  ஒர்க் அவுட்டின்போது டிரெண்டிங் பாடலுக்கு நடனமாடிய மிருணாள் தாக்கூர்
• 
  ஓடிடியில் வெளியான கமலின் தக் லைப்