Dinamalar

ஹாரிஸ் ஜெயராஜை கவுரவப்படுத்திய கனடா அரசாங்கம்

இசையமைப்பாளர் ஹாரிஸ் ஜெயராஜ் மின்னலே படம் துவங்கி தற்போது வரை மிக அதிக அளவிலான படங்களுக்கு ஹிட் பாடல்களை கொடுத்து, தனது இசைக்கு, பாடல்களுக்கு என ஒரு தனி ரசிகர் வட்டாரத்தையே பெற்றுள்ளார். கடந்த சில வருடங்களுக்கு முன்பு இருந்ததைப் போல பரபரப்பாக அவர் இயங்கவில்லை என்றாலும் செலெக்ட்டிவ்வான படங்களுக்கு தற்போது அவர் இசையமைக்க வருகிறார்.

இந்த நிலையில் சமீபத்தில் கனடாவுக்கு சென்றிருந்த ஹாரிஸ் ஜெயராஜ் அங்கே டோரண்டோவில் லைவ் கான்சர்ட் நிகழ்ச்சியை நடத்தினார். இதனை தொடர்ந்து கனடா அரசு அவருக்கு நினைவு பரிசு வழங்கி அவரை கவுரவித்து உள்ளது. இது குறித்த தகவலையும் நினைவு பரிசு மற்றும் சான்றிதழையும் தனது சோசியல் மீடியா பக்கத்தில் வெளியிட்டு தனது மகிழ்ச்சியை பகிர்ந்துள்ளார் ஹாரிஸ் ஜெயராஜ்.

கனடா அரசு வழங்கிய அந்த சான்றிதழில், “உங்களுடைய மறக்க முடியாத பாடல்களாலும் புதுவிதமான இசை பாணியினாலும் நீங்கள் தமிழ் இசையை உலக அளவில் சென்றடைய செய்திருக்கிறீர்கள். அது மட்டுமல்ல, பல புதிய இளம் தலைமுறை கலைஞர்கள் உருவாவதற்கும் தூண்டுதலாக இருந்திருக்கிறீர்கள். டோரண்டோவில் உங்களது வருகை என்பது இசையை கொண்டாடுவதற்கு மட்டுமல்ல, நினைவில் வைத்துக்கொள்ள வேண்டிய ஒரு பெருமையான நிகழ்வும் கூட. நீங்கள் இந்த கலையின் மூலமாக ரசிகர்களுக்கு கொண்டுவந்து தந்த மகிழ்ச்சி, உணர்வு மற்றும் கலாசாரம் ஆகியவற்றை குறித்து நாங்கள் பெருமிதம் கொள்கிறோம்” என்று குறிப்பிடப்பட்டுள்ளது.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  ரஜினியின் 'ஜெயிலர்-2' படத்தில் இணைந்த ஹிந்தி நடிகை அபேக்ஷா போர்வல்!
• 
  15 கிலோ எடை குறைத்த கிரேஸ் ஆண்டனி!
• 
  கோவா சர்வதேச திரைப்பட விழாவில் திரையிடப்படும் அமரன்!
• 
  சூர்யாவின் 'கருப்பு' படத்தின் கிளைமாக்ஸை மாற்றும் ஆர்.ஜே.பாலாஜி!
• 
  விக்னேஷ் சிவனை தொடர்ந்து ரோல்ஸ் ராய்ஸ் ஸ்பெக்டர் எலக்ட்ரிக் கார் ...