சூர்யா படத்துக்கு இசையமைக்கும் சந்தோஷ் நாராயணன் | இப்போதும் நான் தான் வீட்டிற்கு பால் வாங்கி வருகிறேன் : பஹத் பாசில் | 'கருடன்' படத்திற்கு வியாபார வட்டத்தில் வரவேற்பு | அக்கா வேடத்தில் நடிக்க நயன்தாராவுக்கு இவ்வளவு சம்பளமா? | 'ஸ்டார்' படம் முதல் நாள் வசூல் எவ்வளவு ? | 'பாகுபலி 3' போன்று 'கேஜிஎப் 3' பற்றியும் வெளியான புதிய தகவல் | தெலுங்கு படங்களில் நடிப்பதில் உள்ள சங்கடம் இதுதான் : சம்யுக்தா | என்டிஆருக்கு பாரதரத்னா : சிரஞ்சீவி விருப்பம் | 'தி கோட்' - அமெரிக்கா புறப்பட்ட விஜய் | மே 31ல் திரைக்கு வரும் கருடன் திரைப்படம் |
பிரசாந்த் வர்மா இயக்கத்தில், தேஜா சஜ்ஜா, அம்ரிதா ஐயர், வரலட்சுமி சரத்குமார் மற்றும் பலர் நடித்து மகர சங்கராந்தியை முன்னிட்டு தெலுங்கில் வெளியான படம் 'ஹனு மான்'. பக்தி கலந்த ஆக்ஷன் படமாக வெளிவந்த இந்தப் படம் தெலுங்கு ரசிகர்களை மட்டுமல்லாது வட இந்திய ரசிகர்களையும் வெகுவாகக் கவர்ந்தது. 175 கோடி வசூலைக் கடந்து படம் வெற்றிகரமாக ஓடிக் கொண்டிருக்கிறது.
இப்படத்தின் ஒவ்வொரு டிக்கெட் கட்டணத்திலிருந்தும் 5 ரூபாயை அயோத்தி ராமர் கோவிலுக்கு நன்கொடையாக வழங்கப் போவதாக தயாரிப்பு நிறுவனமான மைத்ரி மூவி மேக்கர்ஸ் நிறுவனம் அறிவித்திருந்தது. அதன்படி நன்கொடை வழங்கப்படுவதாக தெரிவித்துள்ளனர்.
“53,28,211 பேருக்கு நன்றி. அயோத்தி ராமர் கோவிலுக்காக நல்ல விஷயத்துக்காக ரூ.2,66,41,055 நன்கொடையாக வழங்க இணைந்ததற்கு நன்றி. இந்த சிறப்பான முன்னெடுப்பிற்கு ஹனுமான் படத்தைப் பார்த்து நீங்களும் ஆன்மிக அனுபவத்தைப் பெற்று பங்கெடுக்கலாம். உங்கள் டிக்கெட் கட்டணத்தில் 5 ரூபாயை அயோத்தி கோவிலுக்கு வழங்கலாம். இந்த சரித்திரப் புகழ் வாய்ந்த தருணத்தில் நாங்களும் பங்கெடுப்பது பெருமை,” என அவர்களது அறிக்கையில் குறிப்பிட்டுள்ளார்கள்.