Dinamalar

'பொன்னியின் செல்வன்' ஐமேக்ஸ் திரையீடு, இன்றே கடைசி

மணிரத்னம் இயக்கத்தில், விக்ரம், கார்த்தி, ஜெயம் ரவி, ஐஸ்வர்யா ராய், த்ரிஷா மற்றும் பலர் நடிப்பில் கடந்த செப்டம்பர் மாதம் 30ம் தேதி வெளிவந்த படம் 'பொன்னியின் செல்வன்'.

கல்கியின் சரித்திர நாவலை அதன் எழுத்து வடிவ பிரம்மாண்டத்திற்கேற்ப இயக்குனர் மணிரத்னம் படமாக்கியுள்ளதாக படத்தைப் பார்த்த பலரும் பாராட்டினார்கள். வழக்கமான 2டி படமாக வெளிவந்த 'பொன்னியின் செல்வன்' படத்தை அகன்ற திரையான ஐமேக்ஸ் வடிவில் பார்க்க பலரும் ஆசைப்பட்டார்கள். படம் வெளியான நாளிலிருந்து தொடர்ந்து பல காட்சிகள் அரங்கு நிறைந்த காட்சிகளாக ஐமேக்ஸ் தியேட்டர்களில் இப்படம் ஓடிக் கொண்டிருக்கிறது.

சென்னை வட பழனி, வேளச்சேரி ஆகிய இரண்டு இடங்களில் உள்ள மல்டி பிளக்ஸ் தியேட்டர் வளாகங்களில் தலா ஒரு ஐமேக்ஸ் தியேட்டர் என இரண்டே இரண்டு ஐமேக்ஸ் தியேட்டர்கள்தான் சென்னையில் உள்ளன. மற்றுமொரு அகன்ற திரையாக பி-எக்ஸ்எல் வடிவ தியேட்டர் ஒன்று அண்ணா நகரில் உள்ள மல்டிபிளக்ஸ் தியேட்டர் வளாகத்தில் உள்ளது. இந்த மூன்று தியேட்டர்களிலும் 'பொன்னியின் செல்வன்' காட்சிகள் இன்றோடு முடிவடைகிறது.

நாளை முதல் ஹாலிவுட் திரைப்படமான 'பிளாக் ஆடம்' திரைப்படத்தை இரண்டு ஐமேக்ஸ் தியேட்டர்களிலும் திரையிட உள்ளார்கள். கடைசி நாள் வரை ஏறக்குறைய அரங்கு நிறைந்த காட்சிகளாக ஓடிக் கொண்டிருக்கும் 'பொன்னியின் செல்வன்' படத்தின் திரையீட்டை இன்றுடன் முடித்துக் கொள்வது அந்தப் படத்தை இன்னும் ஐமேக்ஸ் வடிவில் பார்க்காத ரசிகர்களுக்கு ஏமாற்றத்தைத் தந்துள்ளது.

• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...
• 
  'மகாபாரதம்' தொடரில் கர்ணனாக நடித்த நடிகர் பங்கஜ் தீர் காலமானார்
• 
  ஹிந்தியில் ரீ-மேக் ஆகும் ‛சங்கராந்திகி வஸ்துனம்' : அக் ஷய் நடிக்க ...
• 
  'ஏஜென்ட் மிர்ச்சி' ; ஸ்ரீ லீலாவின் முதல் பாலிவுட் பட லுக் வெளியானது
• 
  ‛அங்கமாலி டைரீஸ்' பட இயக்குனரின் ஹிந்தி படத்திற்கு இசையமைக்கும் ஏ.ஆர் ...

• 
  காஜல் அகர்வாலுக்கு என்னாச்சு...
• 
  கென்யா ட்ரிப்பில் மொபைல் போனை பறிகொடுத்த பிரயாகா மார்ட்டின்
• 
  கமல், அஜித் பட அப்டேட்: தீபாவளி பரிசாக வருமா?
• 
  மகளிர் ஆணையத்தில் மனைவியுடன் நேரில் ஆஜரான மாதம்பட்டி ரங்கராஜ்
• 
  படப்பிடிப்புக்கு 5 நாட்களுக்கு முன்புதான் பைசன் படத்தின் ஸ்கிரிப்டை ...