Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'தலைவி' மூலம் எங்களுக்கு நல்ல வருமானம் தான் : தயாரிப்பாளர் தகவல்

14 செப், 2021 - 11:16 IST
எழுத்தின் அளவு:
Thalaivi-gave-good-income-says-Producer

மறைந்த முதல்வர் ஜெயலலிதாவின் பயோபிக் படம் என்று சொல்லப்பட்டு கற்பனைக் காட்சிகளுடன்தான் இந்தப் படத்தைப் படமாக்கினோம் என படத்தின் டைட்டிலில் அறிவித்து வெளிவந்த படம் 'தலைவி'.

பெரும் பரபரப்பை ஏற்படுத்தி, வசூலில் பெரும் சாதனை படைத்திருக்க வேண்டிய படம். இந்தியா முழுவதுமே படம் வெளியான நாளிலிருந்து 5 கோடி தான் வசூலித்துள்ளதாக பாக்ஸ் ஆபீஸ் வட்டாரங்கள் தெரிவித்துள்ளன. இருப்பினும் படத்தின் தயாரிப்பாளர் விஷ்ணு இந்தூரி இந்தப் படம் மூலம் தங்களுக்கு நல்ல வருமானம் கிடைத்துள்ளதாக பேட்டி ஒன்றில் தெரிவித்துள்ளார்.

படத்திற்காக செலவு செய்த பட்ஜெட்டை தியேட்டர் அல்லாத உரிமைகளிலேயே பெற்றுவிட்டோம் என்று கூறியுள்ளார். ஹிந்தியில் இரண்டு வாரங்களில் ஓடிடி வெளியீடு என்பதால் அதற்காக ஒரு பெரிய தொகை அவருக்குக் கிடைத்திருக்கும் என்கிறார்கள். மேலும், தமிழ், தெலுங்கில் நான்கு வாரங்களில் ஓடிடி வெளியீடு என்பதால் அதற்கும் நல்ல தொகை கிடைத்திருக்கவே வாய்ப்புள்ளது.

இப்படத்தின் மூன்று மொழிகளுக்குமான ஓடிடி உரிமை மட்டுமே 55 கோடிக்கு விற்கப்பட்டதாக முன்னரே தகவல் வெளியாகி இருந்தது. மேலும், சாட்டிலைட் உரிமை மூலம் சுமார் 30 கோடி வரை கிடைத்திருக்கும் என்கிறார்கள்.

அந்த வருமானமே 85 கோடிக்கு வந்துவிட்டது. படத்திற்காக அதிக பட்சமாக 50 முதல் 60 கோடி வரை தான் செலவு செய்திருப்பார்கள் என்கிறது திரையுலக வட்டாரம். தியேட்டர் வருமானம் என்பது கூடுதல் வருமானம் தான். வட இந்தியாவில் பல மல்டிபிளக்ஸ் தியேட்டர்கள் இந்தப் படத்தைத் திரையிட மறுத்துவிட்டன. அப்படி திரையிட்டிருந்தால் வசூல் இன்னும் கூடுதலாகக் கிடைத்திருக்கும்.

தற்போது தியேட்டர்கள் மூலம் ஏற்படும் இழப்பு, அவர்களது கூடுதல் வருமானத்தில் வரும் இழப்புதானே தவிர, வேறொன்றுமில்லை என்கிறார்கள்.

ஓடிடி உரிமை மூலம் மட்டுமே 'தலைவி' படம் தப்பிக்கும் வாய்ப்புள்ளது. அதனால்தான் பல தயாரிப்பாளர்கள் அவர்களது படங்களுக்கு நல்ல விலை கிடைத்தால் ஓடிடியில் விற்று விடுகிறார்கள். தியேட்டர்கள் மூலம் ரிஸ்க் எடுக்க பலரும் விரும்பவில்லை. தற்போது தயாராகி வரும் பல படங்கள் ஓடிடி வியாபாரத்தை மனதில் வைத்தும் உருவாக்கப்படுவதாகச் சொல்கிறார்கள்.

Advertisement
கருத்துகள் (0) கருத்தைப் பதிவு செய்ய
சமந்தாவின் வாழ்த்தும், நாக சைதன்யாவின் நன்றியும்...சமந்தாவின் வாழ்த்தும், நாக ... தெலுங்கு நடிகர் சங்கத்திற்கு 10 கோடி தருவதாக பிரகாஷ்ராஜ் பிரச்சாரம் தெலுங்கு நடிகர் சங்கத்திற்கு 10 கோடி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Tamilarasan
    • தமிழரசன்
    • நடிகர் : விஜய் ஆண்டனி
    • நடிகை : ரம்யா நம்பீசன்
    • இயக்குனர் :பாபு யோகேஸ்வரன்
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar advertisement tariff

    Tweets @dinamalarcinema

    Advertisement
    Copyright © 2022 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in