Dinamalar

2025ல் 50 கோடியைக் கடந்த 10வது படம் 'தலைவன் தலைவி'

பாண்டிராஜ் இயக்கத்தில், சந்தோஷ் நாராயணன் இசையில், விஜய் சேதுபதி, நித்யா மேனன் மற்றும் பலர் நடிப்பில் ஜுலை 25ம் தேதி வெளியான படம் 'தலைவன் தலைவி'. இப்படம் ஒரு வாரத்தில் உலகம் முழுவதும் 50 கோடி வசூலைப் பெற்றதாக தயாரிப்பு நிறுவனம் அதிகாரப்பூர்வமாக அறிவித்தது. இரு தினங்களுக்கு முன்பு அதன் தெலுங்கு டப்பிங் பதிப்பான 'சார் மேடம்' படமும் வெளியானது. இரண்டாவது வாரத்திலும் உலகம் முழுவதும் 1200 தியேட்டர்களில் படம் ஓடி வருவதாகவும் அறிவித்துள்ளார்கள். அதனால், படம் இன்னும் கூடுதல் வசூலைக் கொடுக்க வாய்ப்புள்ளது.

இந்த வருடத்தில் இதுவரையில் வெளிவந்த 153 படங்களில் 10 படங்கள் மட்டுமே 50 கோடி வசூலைக் கடந்துள்ளன. அதில் 10வது படமாக 'தலைவன் தலைவி' படம் இணைந்துள்ளது.

அதிகாரப்பூர்வமாக இல்லாத நிலையில் திரையுலக வட்டாரங்களில் அறிந்து கொண்ட தகவல்படி, 'குட் பேட் அக்லி' படம் சுமார் 250 கோடி வசூலைப் பெற்று இந்த வருடத்தில் அதிக வசூலைப் பெற்ற படமாக இருக்கிறது. அதற்கடுத்து 'டிராகன்' படம் 150 கோடி, 'விடாமுயற்சி, ரெட்ரோ' 100 கோடிக்கும் கூடுதலாக, தமிழ், தெலுங்கில் வெளியான 'குபேரா' 100 கோடி, 100 கோடிக்கு மிக நெருக்கமாக 'தக் லைப், டூரிஸ்ட் பேமிலி', 50 கோடி கடந்த படங்களாக 'வீர தீர சூரன், மத கஜ ராஜா' ஆகிய படங்கள் அமைந்துள்ளன.

இவற்றில் அதிகபட்ச லாபத்தைக் கொடுத்த படங்களில் 'டூரிஸ்ட் பேமிலி' இருக்கிறது. அதற்கடுத்து 'டிராகன்' படம் இருப்பதாக பாக்ஸ் ஆபீஸ் தகவல்கள் தெரிவிக்கின்றன.

வரும் மாதங்களில் 100 கோடி, அதற்கும் அதிகமான வசூலைப் பெறும் படங்களாக வெளியீடு பற்றி அறிவிக்கப்பட்ட 'கூலி, மதராஸி, இட்லி கடை, லவ் இன்ஷுரன்ஸ் கம்பெனி, டூட்' ஆகிய படங்கள் எதிர்பார்க்கப்படுகின்றன.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்

• 
  ஒரே வாரத்தில் ஆயிரம் கோடி வசூல் செய்த துரந்தர் 2
• 
  போலி 'ஏஐ' வீடியோக்கள் : 'துரந்தர்' இயக்குனர் ஆதித்ய தர் எச்சரிக்கை
• 
  எனது நடிப்பில் பன்முகத் திறமையை வெளிப்படுத்த விரும்புகிறேன் : ராஜ்பால் ...
• 
  மகளை முத்தமிட்டது தவறா?: பாலிவுட் நடிகர் வேதனை
• 
  இயக்குனர் மீது 'கும்பமேளா' புகழ் மோனலிசா பாலியல் புகார்

• 
  சான்வே மேக்னாவின் புதிய படம்
• 
  பிளாஷ்பேக்: இளையராஜாவின் ஆல்பம் இசையை பின்னணி இசையாக பயன்படுத்திய ...
• 
  பிளாஷ்பேக் : கடைசி வரை கஷ்டத்தில் வாழ்ந்த புஷ்பவல்லி
• 
  நிறைய சுமைகளை சுமக்காதீர்கள் : சமுத்திரகனி அட்வைஸ்
• 
  ‛நூறு சாமி' படக் கதை குறித்து பகிர்ந்த சசி