Dinamalar

டென்னிஸ் ஜோசப் கடைசி படத்தை எடுத்தே தீருவேன் : ஓமர் லுலு சபதம்

மலையாள திரையுலகில் பிரபல கதாசிரியராக மற்றும் இயக்குனராக வலம் வந்த டென்னிஸ் ஜோசப், கொரோனா தோற்று காரணமாக நேற்று மரணமடைந்தார். 90களில் மோகன்லால், மம்முட்டியின் பல ஹிட் படங்களில் இவரது பங்களிப்பு இருந்து வந்தது. காலப்போக்கில் இவரது பட எண்ணிக்கைகள் குறைந்தாலும் தற்போதைய தலைமுறை இயக்குனர்களுடனும் பணியாற்றி வந்தார் டென்னிஸ் ஜோசப்.

அந்தவகையில் ஒரு அதார் லவ் படத்தின் மூலம் பரபரப்பாக பேசப்பட்ட இயக்குனர் ஓமர் லுலு அடுத்தததாக இயக்கவுள்ள 'பவர்ஸ்டார் என்கிற படத்திற்கு டென்னிஸ் ஜோசப் தான் கதை எழுதி வந்தார். வில்லன் நடிகர் பாபு ஆண்டனி கதையின் நாயகனாக நடிக்கவுள்ள இந்தப்படத்தின் கதையை கிட்டத்தட்ட எழுதி முடித்துவிட்ட நிலையில் தான் அவர் திடீரென மரணமடைந்துள்ளார்.

ஓமர் லுலு இதுபற்றி கூறும்போது, “அவ்வளவு பெரிய கதாசிரியருடன் இணைந்து பணியாற்றும் வாய்ப்பு கிடைத்தது என் அதிர்ஷ்டம். அவர் மறைந்துவிட்டதால் இந்தப்படம் நிற்காது. இயக்குனர் உன்னிகிருஷ்ணனும், கதாசிரியர் உதயகிருஷ்ணாவும் இந்தப்படத்தின் கதைக்கு இறுதி வடிவம் கொடுப்பதற்கும் படப்பிடிப்பை துவங்குவதற்கும் உதவுவதாக கூறியுள்ளனர். அந்தவிதமாக இந்தப்படத்தை எடுத்தே தீருவேன்” என கூறியுள்ளார்.

• 
  சீதா கதாபாத்திரத்தில் நடிப்பாரா கங்கனா ரணவத்?
• 
  அக்ஷய் குமாரை சண்டைக்கு அழைத்த அண்டர்டேக்கர்
• 
  சமையல் செய்ய மாட்டேன் : வித்யா பாலன்
• 
  மகனுக்கு ஆடம்பர கார் வாங்கினேனா ? ; சோனு சூட் விளக்கம்
• 
  பிரபல ஒடிய பின்னணி பாடகி கொரோனாவுக்கு பலி

• 
  நாகசைதன்யா தீவிர உடற்பயிற்சி
• 
  பிரகாஷ்ராஜ் - விஷ்ணு மஞ்சுவுடன் மோதும் நடிகை ஜீவிதா
• 
  மரைக்காயருக்கு வழிவிடும் மலையாள திரையுலகம்
• 
  மீண்டும் டோலிவுட்டுக்கு வருகிறார் ராஷ்மிகா
• 
  பிரகாஷ்ராஜுக்கு போட்டியாக களமிறங்கும் மஞ்சு விஷ்ணு