Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

அரசியலில் 'அட்ரசை' தொலைத்த விஜயகாந்த், சரத்குமார்

03 மே, 2021 - 16:20 IST
எழுத்தின் அளவு:
Vijayakanth,-Sarathkumar-losses-their-address-in-Politics

தமிழ் சினிமாவில் உள்ள நடிகர்களில் பலரும் முதல்வர் ஆக வேண்டும் என்ற கனவில் இருப்பவர்கள். அப்படியான ஆசையில் இருந்த விஜயகாந்த், சரத்குமார் ஆகிய இருவருக்கும் இந்தத் தேர்தல் அவர்களது 'அட்ரசை' தொலைக்க காரணமாக இருந்திருக்கிறது.

நடிகர் விஜயகாந்த் தேசிய முற்போக்கு திராவிடர் கழகம் என்ற கட்சியை 2005ம் ஆண்டு ஆரம்பித்து 2006ம் ஆண்டு நடைபெற்ற சட்டசபை தேர்தலில் போட்டியிட்டு விருத்தாச்சலம் தொகுதியில் மட்டும் வெற்றி பெற்றார். அவர் முதன் முதலில் வெற்றி பெற்ற அந்தத் தொகுதியிலேயே இன்று அவரது மனைவி பிரேமலதா விஜயகாந்த் டெபாசிட்டைக் கூடப் பெற முடியாமல் தோற்றுவிட்டார்.

2006 தேர்தலில் தேமுதிக பெற்ற வாக்குகளை கணக்கில் வைத்து 2011ம் ஆண்டு தேர்தலில் விஜயகாந்த்தை தனது கூட்டணிக்கு இழுத்தார் ஜெயலலிதா. அந்தத் தேர்தலில் அதிமுக வெற்றி பெற்று ஆட்சியைப் பிடித்தது, தேமுதிக 29 தொகுதிகளை வென்று விஜயகாந்த் எதிர்க்கட்சித் தலைவர் ஆக சட்டசபையில் அமர்ந்தார். அதன்பிறகு கடந்த 2016 தேர்தலில் மக்கள் நலக் கூட்டணி என அமைத்தும், இந்தத் தேர்தலில் டிடிவி தினகரனின் அமமுக கட்சியுடன் கூட்டணி வைத்தும் ஒரு இடத்தில் கூட வெற்றி பெற முடியாமல் போய்விட்டது.

முன்னணி நாயகனாக இருந்த சரத்குமார் திமுகவில் இணைந்து 1998ம் ஆண்டு நடைபெற்ற பார்லிமென்ட் தேர்தலில் திருநெல்வேலி தொகுதியில் போட்டியிட்டு தோல்வியுற்றார். 2001ம் ஆண்டில் அவரை திமுக ராஜ்யசபா எம்.பி.யாக நியமித்தது. ஆனால், 2006 சட்டமன்றத் தேர்தலுக்கு முன்பாக திமுகவிலிருந்து விலகி மனைவி ராதிகாவுடன் அதிமுகவில் இணைந்தார். ஆனால், சில மாதங்களிலேயே ராதிகா கட்சியை விட்டு நீக்கப்பட்டார். சரத்குமாரும் கட்சியை விட்டு விலகினார்.

2007ம் ஆண்டு சமத்துவ மக்கள் கட்சி என்ற புதிய கட்சியை ஆரம்பித்த சரத்குமார், 2011 சட்டமன்றத் தேர்தலில் அதிமுகவுடன் கூட்டணி அமைத்து இரண்டு தொகுதியில் அவரது கட்சி போட்டியிட்டு வெற்றி பெற்றது. சரத்குமார் தென்காசி தொகுதியில் போட்டியிட்டு எம்எல்ஏ ஆனார். 2016 சட்டமன்றத் தேர்தலில் அதே தொகுதியில் போட்டியிட்டு தோல்வியடைந்தார்.

இந்தத் தேர்தலில் கமல்ஹாசனுடன் கூட்டணி அமைத்து அவரது கட்சியை 40 தொகுதிகளில் போட்டியிட வைத்தார். அவரோ, அவரது மனைவியோ தேர்தலில் போட்டியிடவில்லை. பெயருக்கு ஒரு சில தொகுதிகளுக்கு மட்டும் சென்று பிரச்சாரம் செய்தார்கள். ராதிகா தீவிர அரசியலில் இறங்கப் போவதாகச் சொல்லி, நடித்து வந்த டிவி தொடரிலிருந்து கூட விலகி வந்தார். ஆனால், தீவிர அரசியலில் ஈடுபடவேயில்லை. இத்தேர்தலில் சரத்குமாரின் சமத்துவ மக்கள் கட்சி படுதோல்வியைச் சந்தித்தது.

ஒரு காலத்தில் நடிகர் சங்கத்தில் விஜயகாந்த், சரத்குமார் இருவரும் தலைவராகவும், செயலாளராகவும் இருந்து அந்த சங்கத்தின் கடனை அடைக்கக் காரணமாக இருந்தார்கள். அங்கிருந்துதான் அப்படியே அரசியல் பக்கமும் நுழைந்தார்கள். இருவரது அரசியல் வாழ்க்கையும் இந்தத் தேர்தலுடன் ஒரு முடிவுக்கு வந்துவிட்டதாகவே அரசியல் பார்வையாளர்கள் கருதுகிறார்கள்.

விஜயகாந்த் நன்றாக ஓய்வெடுத்து அவரது உடல்நலனைப் பார்த்துக் கொள்ள வேண்டும் என்றும், சரத்குமார் தொடர்ந்து படங்களில் குணச்சித்திரக் கதாபாத்திரங்களில் நடிப்பதே அவர்களுக்கப் பொருத்தமாக இருக்கும் என்பதே பலரது பார்வையாக உள்ளது.

Advertisement
கருத்துகள் (1) கருத்தைப் பதிவு செய்ய
'தலைவி' தடங்கல் இல்லாமல் வெளியாகுமா ?'தலைவி' தடங்கல் இல்லாமல் ... கர்ப்பமாகி கருக்கலைப்பு செய்து கொண்டேனா? -இலியானா பரபரப்பு தகவல் கர்ப்பமாகி கருக்கலைப்பு செய்து ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (1)

Selva -  ( Posted via: Dinamalar Android App )
03 மே, 2021 - 19:24 Report Abuse
Selva நல்லவர்கள் நடிக்க போகட்டும்.. திருடர்கள் ஆட்சி அமைக்கட்டும்..
Rate this:

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Rajavamsam
    • ராஜவம்சம்
    • நடிகர் : சசிகுமார்
    • நடிகை : நிக்கி கல்ராணி
    • இயக்குனர் :கதிர்வேலு
    Tamil New Film Vellai yaanai
    • வெள்ளை யானை
    • நடிகர் : சமுத்திரக்கனி
    • நடிகை : ஆத்மியா
    • இயக்குனர் :சுப்பிரமணிய சிவா
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Pizhai
    • பிழை
    • இயக்குனர் :ராஜவேல் கிருஷ்ணா
    dinamalar-advertisement-tariff-2018

    Tweets @dinamalarcinema

    Advertisement
    Copyright © 2021 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in