Dinamalar

அடுத்தடுத்து புதிய ஓடிடி வெளியீடுகள்

எழுத்தின் அளவு:

கொரானோ தொற்று பரவல் காரணமாக கடந்த வருடம் புதிய படங்களின் வெளியீடுகள் பெரிதும் பாதிக்கப்பட்டன. தியேட்டர்கள் மூடப்பட்டதால் புதிய படங்கள் சில நேரடியாக ஓடிடி தளங்களில் வெளியாகின.

தியேட்டர்கள் திறக்கப்பட்ட பின்பு தியேட்டர்களில் மட்டுமே படங்களைத் தயாரிப்பாளர்கள் வெளியிடுவார்கள் என்று எதிர்பார்க்கப்பட்ட நிலையில் ஓடிடி வெளியீடுகளும் தொடர்கிறது.

இந்த வாரம் பிப்ரவரி 26ம் தேதி அசோக் செல்வன், நித்யா மேனன், ரித்து வர்மா நடித்துள்ள 'தீனி' படம் ஓடிடி தளத்தில் வெளியாகிறது. அதற்கடுத்து ஆர்யா, சாயிஷா நடித்துள்ள 'டெடி' படம் மார்ச் 12ம் தேதி ஓடிடியில் வெளியாக உள்ளது.

பலத்த எதிர்ப்புகளுக்கு இடையில் தனுஷ் நடித்துள்ள 'ஜகமே தந்திரம்' படமும் ஓடிடி வெளியீடு என சில தினங்களுக்கு முன்பு அறிவிக்கப்பட்டது.

கடந்த வருடத்தில் புதிதாக எண்ணற்ற சந்தாதாரர்களைச் சேர்த்த ஓடிடி நிறுவனங்கள் அந்த சந்தாதாரர்களைத் தக்க வைத்துக் கொள்ள தொடர்ந்து புதிய படங்களை வாங்கி நேரடியாக ஓடிடி தளத்தில் வெளியிட முயற்சித்து வருகின்றன.

மீண்டும் திறக்கப்பட்ட தியேட்டர்களில் ரசிகர்களின் வருகை முன்பைப் போல இல்லாத காரணத்தால் சில தயாரிப்பாளர்களும் தியேட்டர் வெளியீடு பற்றி யோசித்து வருகிறார்களாம். இதனால், ஓடிடி தளங்கள் பயனடைகின்றன என்கிறார்கள்.

ஏப்ரல் மாதம்தான் முன்னணி நடிகர்களின் படங்கள் அடுத்தடுத்து வெளியாக உள்ளன. அதன்பிறகே தியேட்டர்களின் நிலைமை மாறும் என எதிர்பார்க்கிறார்கள்.

• 
  கொரோனாவிலிருந்து மீண்டு ரன்பீருடன் மாலத்தீவு பறந்த ஆலியா பட்
• 
  பிரபாஸ் படத்தில் அமிதாப்
• 
  ஹிந்தி டிவி நடிகை பாருல் சவுத்ரி குடும்பம் கொரோனாவால் பாதிப்பு
• 
  நலமாக இருக்கிறேன் : விவேக் ஓபராய் விளக்கம்
• 
  விக்ரம் வேதா ரீமேக்கிலிருந்து ஆமீர்கான் விலகியது ஏன்

• 
  அரசியல் ரசிகர்களுக்கு மே 2 : அஜித் ரசிகர்களுக்கு மே 1
• 
  ஐதராபாத்தில் ரத்தாகும் படப்பிடிப்புகள் : 'அண்ணாத்த' நிலை என்ன ?
• 
  இன்று முதல் 3 காட்சிகள் மட்டுமே...
• 
  "மிஸ்டர் காப்ளர்" - சாதனை குறும்படத்திற்கு விருது வழங்கி கவுரவம்
• 
  கனியை வீட்டுக்கும் சென்று பாராட்டிய சிம்பு