ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
நடிகரும், மறைந்த முன்னாள் ஆந்திர முதல்வர் என்டிஆரின் மகனும், நடிகர் ஜூனியர் என்டிஆரின் தந்தையுமான ஹரி கிருஷ்ணா (62), கார் விபத்தில் மரணமடைந்தார்.
ரசிகரின் இல்ல திருமண நிகழ்வு ஒன்றில் பங்கேற்று விட்டு காரில் திரும்பிக் கொண்டிருந்தார் ஹரி கிருஷ்ணா. தெலுங்கானாவில் உள்ள நலகொண்டா அருகே கார் சென்றபோது, டிரைவரின் கட்டுப்பாட்டை இழந்து விபத்துக்குள்ளானது. இதில் தலையில் பலத்த காயம் அடைந்த ஹரி கிருஷ்ணா உடனடியாக அருகிலுள்ள மருத்துவமனைக்கு கொண்டு செல்லப்பட்டார். ஆனால் மருத்துவர்கள் அவருக்கு தீவிர சிகிச்சை அளித்தும் பலனில்லாமல் இறந்து விட்டார்.
1967-ம் ஆண்டு ஸ்ரீகிருஷ்ணவாத்ரம் என்ற படத்தில் குழந்தை நட்சத்திரமாக சினிமாவில் அறிமுகமான ஹரிகிருஷ்ணா, ராம் ரஹீம், சீதாராமாராஜூ, லகிரி லகிரி லகிரிலோ உள்ளிட்ட சில படங்களில் நடித்திருக்கிறார். ஆந்திர அரசின் நந்தி விருதும் பெற்றிருப்பவர், தெலுங்கு தேசம் கட்சியின் சார்பில் ராஜ்யசபா எம்பியாகவும் இருந்துள்ளார்.
ஹரி கிருஷ்ணாவிற்கு லக்ஷ்மி, ஷாலினி என்ற இரண்டு மனைவிகளும், ஜானகி ராம், கல்யாண் ராம், ஜூனியர் என்டிஆர்., என மூன்று மகன்களும், சுஹாசினி என்ற ஒரு மகளும் உள்ளனர்.
இந்த துயர சம்பவம் தெலுங்கு திரையுலகினரை கடும் அதிர்ச்சிக்குள்ளாக்கியிருக்கிறது.